22 قىركۇيەك كۇنى پاكىستاندا 12 مەملەكەتتىڭ ەلشىلەرى وتىرعان كورتەجدى الىپ جۇرگەن پوليتسيا كولىگى ميناعا تاپ بولىپ، جارىلدى. ولاردىڭ اراسىندا قازاقستان ەلشىسى دە بولعان، دەپ حابارلايدى «ادىرنا» ءتىلشىسى.
سىرتقى ىستەر مينيسترلىگىنىڭ رەسمي وكىلى ايبەك سمادياروۆ بۇل وقيعاعا قاتىستى تۇسىنىكتەمە بەرىپ، دەلەگاتسيا وكىلدەرىنىڭ يسلامابادقا ورالعانىن ايتتى.
«ءۇش پوليتسەي جارالانىپ، بىرەۋى قازا تاپتى. ديپكورپۋس وكىلدەرى زارداپ شەككەن جوق، بارلىق ەلشى يسلامابادقا ورالدى. ەلشىلەر يسلاماباد قالاسىنىڭ ساۋدا-ونەركاسىپ پالاتاسى ۇيىمداستىرعان تۋريزم كونفەرەنتسياسىنا قاتىسۋ ءۇشىن سۆات قالاسىنا جىبەرىلدى»، - دەدى ول.
