استاناداعى سۋپەرماركەتتەردىڭ بىرىندە 19 جاستاعى جىگىت پەن 17 جاستاعى قىزدىڭ ۇرلىق جاساعانى انىقتالدى، - دەپ حابارلايدى "ادىرنا" ۇلتتىق پورتالى
استانا پوليتسيا دەپارتامەنتىنىڭ مالىمەتىنشە، جاستار جەكە ءجۇرىپ تە، جۇپتاسىپ تا ۇرلىق قىلعان. ولاردىڭ قىلمىستىق ارەكەتى بەينەباقىلاۋ كامەرالارىنا ءتۇسىپ قالعان. كادردان جىگىت پەن قىزدىڭ دۇكەننىڭ الكوگول ساتاتىن بولىمىندە تۇرىپ، ۇلكەن سومكەگە بوتەلكەلەر سالىپ جاتقانىن بايقاۋعا بولادى.
"ولار بوتەلكە داتچيكتەرىن جۇلىپ الىپ، پاكەتتەردى كىرەبەرىس ارقىلى وتكىزگەن. تاعى ءبىر تۇسىنان بايقاساق، تۇرمىستىق حيميا بولىمىندە ءبىر جىگىت سۋسابىن بوتەلكەلەرىن ۇرلاپ كەتكەن. ولار ۇرلانعان تاۋارلاردى كەزدەيسوق ادامدارعا ارزان باعامەن ساتىپ جىبەرگەن. كۇدىكتىلەر سۋپەرماركەتتەردەگى ۇرلىقتىڭ 15 ەپيزودىنا قاتىستى دەپ تانىلدى، بىراق ۇقساس قىلمىستار تاعى دا بولۋى مۇمكىن»، - دەدى پوليتسيا.
قازىرگى ۋاقىتتا 17 جاستاعى قىز كامەلەتكە تولماعانداردى بەيىمدەۋ ورتالىعىنا ورنالاستىرىلدى.
ۇرلىق دەرەگى بويىنشا قىلمىستىق ءىس قوزعالدى.
