تۇركىستان وبلىسىنداعى كولونيادا تۇتقىندار بۇلىك شىعاردى، دەپ حابارلايدى “ادىرنا” ۇلتتىق پورتالى.
«تۇركىستان وبلىسىنداعى مەكەمەدە سوتتالعانداردىڭ ءبىر بولىگى قاماۋدا ۇستاۋ رەجيمىمەن كەلىسپەۋىنە بايلانىستى باعىنباۋشىلىق تانىتقان»، - دەپ حابارلايدى قازاقستان رەسپۋبليكاسى قىلمىستىق اتقارۋ جۇيەسى كوميتەتىنىڭ (قاجك) ءباسپاسوز قىزمەتى.
بۇل رەتتە ۇلتتىق ۇلاننىڭ ەكى اسكەري قىزمەتكەرى مەن ءبىر پوليتسيا قىزمەتكەرى جەڭىل جاراقات الىپ، مەديتسينالىق كومەك العانى حابارلاندى.
«اتالمىش فاكتى بويىنشا قر قىلمىستىق كودەكسىنىڭ 428-بابىنىڭ 3-بولىگى بويىنشا قىلمىستىق ءىس قوزعالدى»، - دەلىنگەن حابارلامادا.
قاجك مالىمەتىنشە، قازىرگى ۋاقىتتا جاعداي تۇراقتالعان.
