Kaspi.kz Culper Research جاريالاعان زەرتتەۋ ەسەبىنە تۇسىنىكتەمە بەردى.
ميحايل لومتادزە، Kaspi.kz كومپانياسىنىڭ باسشىسى جانە نەگىزىن قالاۋشىلاردىڭ ءبىرى:
«بۇل – الىپساتارلاردىڭ جاساعان شابۋىلى، ونىڭ ماقساتى - قىسقا مەرزىمدى ساۋداگەرلەردىڭ جىلدام پايدا تابۋىن قامتاماسىز ەتۋ. ەسەپ شىندىققا جاناسپايدى، قاتە اقپارات بەرىپ، ينۆەستورلاردى شاتاستىرۋ ءۇشىن ادەيى جاسالعان. ءبىز اكتسيالارى 2020 جىلدان باستاپ لوندون قور بيرجاسىندا ساتىلعان جانە جاقىندا NASDAQ-تا ساتىلا باستاعان، رەتتەلەتىن، اشىق كومپانيامىز. رەتتەۋشى قويعان تالاپتارعا سايكەس ۇنەمى اقپاراتتى اشىق جاريالايمىز. NASDAQ-تاعى سوڭعى IPO بارىسىندا كەڭ اۋقىمدى قۇقىقتىق تەكسەرۋدەن وتتىك. ءوز ونىمدەرىمىزگە، ەسەپتىلىگىمىزگە، سايكەستىك باعدارلامالارىنا جانە باقىلاۋ قۇرالدارىنا سەنىمدىمىز. ادەتتەگىدەي ۇزاقمەرزىمدى ستراتەگيامىزعا نازار اۋدارامىز».
ايتا كەتسەك، Kaspi.kz-ءتىڭ ميسسياسى – سۇيىكتى كليەنتتەرىمىز بەن سەرىكتەستەرىمىزدىڭ ءومىرىن جاقسارتاتىن يننوۆاتسيالىق ونىمدەر مەن قىزمەتتەردى جاساۋ. يننوۆاتسيالاردىڭ ورتاسىندا ەلىمىزدەگى ەڭ تانىمال Kaspi.kz ءموبيلدى سۋپەرقوسىمشاسى تۇر، ونى 14 ميلليوننان استام قازاقستاندىق پايدالانادى. قوسىمشا ەلىمىزدەگى جەتەكشى ەلەكتروندى ساۋدا، تولەم جانە قارجىلىق قىزمەتتەردى قامتيدى.
Kaspi.kz سۋپەرقوسىمشاسى ارقىلى قازاقستاندىقتار تەگىن جەتكىزۋ ارقىلى ءتيىمدى ونلاين زات ساتىپ الادى، كوميسسياسىز تولەمدەر مەن اۋدارىمدار جاسايدى، جەكە قاراجاتتارىن باسقارىپ، ۇشاق جانە پويىز بيلەتتەرىن، تۋرلار ساتىپ الادى جانە ەڭ تانىمال مەملەكەتتىك قىزمەتتەردى پايدالانادى.
Kaspi.kz بيزنەس ءۇشىن Kaspi Pay سۋپەرقوسىمشاسىن دا جاسادى، ونى قازاقستانداعى 700 مىڭعا جۋىق كاسىپكەر پايدالانادى. Kaspi Pay ارقىلى كاسىپكەرلەر بيزنەسىن دامىتۋعا قارجى الىپ، تولەم قابىلدايدى، جارنامالىق كامپانيالاردى ىسكە قوسادى، سالىق تولەيدى، ەلەكتروندى كوممەرتسيا پلاتفورماسىنا جانە جەتكىزۋ قىزمەتىنە قوسىلادى، ونىڭ كومەگىمەن تاۋارلارىن بۇكىل ەل اۋماعىندا ساتادى.
