Moody’s حالىقارالىق رەيتينگتىك اگەنتتىگى Kaspi Bank-ءتىڭ ۇلتتىق جانە شەتەل ۆاليۋتاسىنداعى ۇزاق مەرزىمدى رەيتينگتەرىن «Ba1»-دەن «Baa3»-كە دەيىن، ينۆەستيتسيالىق دەڭگەيگە كوتەردى.
بولجام - «تۇراقتى». بانكتىك دەپوزيتتەردىڭ ۇلتتىق ولشەم بويىنشا ۇزاق مەرزىمدى رەيتينگى ا2.kz دەڭگەيىندە راستالدى. سونداي-اق، Kaspi Bank-ءتىڭ كرەديت قابىلەتتىلىگىنىڭ بازالىق باعاسى ba3-تەن ba2-گە كوتەرىلدى.
باعانى كوتەرە وتىرىپ، Moody’s حالىقارالىق اگەنتتىگىنىڭ ساراپشىلارى كومپانيانىڭ كۇشتى وپەراتسيالىق جانە قارجىلىق كورسەتكىشتەرىن اتاپ ءوتتى.
«Moody’s حالىقارالىق رەيتينگتىك اگەنتتىگى Kaspi-ءدىڭ اسا سەنىمدى ەكەنىن، الەمدىك ەكونوميكالىق قيىندىق كەزەڭدەرىندە دە تۇراقتى بولىپ، دامۋعا قابىلەتتىلىگىن تاعى دا راستادى. ءبىزدىڭ كوماندا قازاقستاندا ادامداردىڭ ءومىرىن جاقسارتاتىن، شاعىن جانە ورتا بيزنەستىڭ وسۋىنە كومەكتەسەتىن، ەلدى الەمدىك يننوۆاتسيالار كارتاسىندا العا جىلجىتاتىن يننوۆاتسيالىق ونلاين-سەرۆيستەردى دامىتۋىن جالعاستىرا بەرەدى. ءاربىر سۇيىكتى كليەنتىمىز بەن سەرىكتەسىمىزگە بىزبەن بىرگە بولعاندارىڭىز ءۇشىن العىس ايتامىز»، -دەدى Kaspi.kz باسشىسى جانە نەگىزىن قالاۋشىلاردىڭ ءبىرى ميحايل لومتادزە.
ايتا كەتسەك، Kaspi.kz ميسسياسى – سۇيىكتى كليەنتتەرى مەن سەرىكتەستەرىنىڭ ءومىرىن جاقسارتاتىن يننوۆاتسيالىق ونىمدەر مەن قىزمەتتەردى جاساۋ. يننوۆاتسيالاردىڭ ورتاسىندا ەلدەگى ەڭ تانىمال ءموبيلدى سۋپەرقوسىمشا Kaspi.kz تۇر، ونى 14 ميلليوننان استام قازاقستاندىق پايدالانادى جانە ول ەلدەگى جەتەكشى ەلەكتروندىق كوممەرتسيا، تولەمدەر جانە قارجىلىق قىزمەتتەر سەرۆيستەرىن قامتيدى.
Kaspi.kz سۋپەرقوسىمشاسىنىڭ كومەگىمەن قازاقستاندىقتار تەگىن جەتكىزىلەتىن ءتيىمدى ونلاين زات ساتىپ الادى، كوميسسياسىز تولەمدەر مەن اۋدارىمدار جاسايدى، جەكە قاراجاتتارىن باسقارادى، اۋە جانە تەمىرجول بيلەتتەرىن، تۋرلار ساتىپ الادى جانە ەڭ تانىمال مەملەكەتتىك قىزمەتتەردى پايدالانادى.
سونداي-اق Kaspi.kz بيزنەس ءۇشىن Kaspi Pay سۋپەرقوسىمشاسىن جاسادى، ونى 700 مىڭعا جۋىق قازاقستاندىق كاسىپكەر پايدالانادى. Kaspi Pay قوسىمشاسى ارقىلى قازاقستاندىق كاسىپكەرلەر بيزنەستى دامىتۋعا قارجى الادى، تولەم قابىلدايدى، جارنامالىق كامپانيالاردى ىسكە قوسادى، سالىق تولەيدى، ەلەكتروندىق كوممەرتسيا جانە جەتكىزۋ پلاتفورماسىنا قوسىلادى، ولاردىڭ كومەگىمەن ءوز تاۋارلارىن بۇكىل ەل بويىنشا ساتادى.
