18 قىركۇيەكتە «التىنالماس» اكتسيونەرلىك قاۋىمداستىعىنىڭ جامبىل وبلىسىنداعى تاۋ-كەن بايىتۋ كەشەندەرىنىڭ بىرىندە تاۋ جىنىستارى قۇلادى. سالدارىنان ءبىر جۇمىسشى ءۇيىندى استىندا قالىپ قويعان، دەپ حابارلايدى "ادىرنا" ۇلتتىق پورتالى.
بۇل تۋرالى كومپانيانىڭ ءباسپاسوز قىزمەتى حابارلادى.
«2024 جىلى 18 قىركۇيەكتە جامبىل وبلىسىنداعى «التىنالماس اق» تاۋ-كەن بايىتۋ كەشەندەرىنىڭ بىرىندە تاۋ جىنىسى قۇلادى. وقيعا ورنىنا اۆاريالىق-قۇتقارۋ جاساعى كەلىپ، ىزدەۋ-قۇتقارۋ وپەراتسياسى باستالدى»، – دەلىنگەن كومپانيا حابارلاماسىندا.
قازىر ۇيىندىلەردىڭ استىندا قالعان جۇمىسشى ىزدەستىرىلىپ جاتقانى بەلگىلى بولدى.
كومپانيا وقيعاعا بايلانىستى تەرگەۋ جۇمىستارىن باستاعانىن مالىمدەدى. وقىس وقيعادان كەيىن، بىردەن جۇمىس توبى قۇرىلدى. ارنايى كوميسسيا جازاتايىم وقيعانىڭ ءمان-جايى مەن سەبەپتەرىن انىقتاۋى ءتيىس.
«التىنالماس» دورە قۇيمالارىنداعى التىندى وندىرەدى.
ايتا كەتەيىك، كومپانيانىڭ نەگىزگى اكتسيونەرلەرى بار. Gouden Reserves B.V. – 60%، ۆلاديمير جۇمانباەۆ – 20% (2022 جىلى 22 پايىز), ديار قاناشەۆ – 10,5%، يگور ۆەتيۋل– 6,5% يەلەنەتىنى جازىلعان.
كومپانيانىڭ تۇپكىلىكتى يەسى جانە باقىلاۋشى تارابى – Family Trust اتىنان ارەكەت ەتەتىن Trustee Pte Ltd كومپانياسى ەكەنى ايتىلدى.
