ناتو باس حاتشىسى يەنس ستولتەنبەرگ امەريكالىق Foreign Policy باسىلىمىنا بەرگەن سۇحباتىندا ۋكراينا سولتۇستىك اتلانتيكالىق اليانسقا كىرمەيىنشە، ۇزاق مەرزىمدى پەرسپەكتيۆادا بەيبىتشىلىك ورناتا المايتىنىن ايتتى. بۇل تۋرالى Gazeta.Ru سايتى جاريالادى، دەپ حابارلايدى “ادىرنا” ۇلتتىق پورتالى.
«ۇزاق مەرزىمدى پەرسپەكتيۆادا ۋكراينا ناتو-نىڭ ءبىر بولىگى بولمايىنشا، ۋكراينادا بەيبىتشىلىك ورنامايدى»، - دەدى ستولتەنبەرگ.
سونىمەن بىرگە، ناتو باس حاتشىسى قازىرگى ۋاقىتتا سولتۇستىك اتلانتيكالىق اليانسقا مۇشە ەلدەر اراسىندا ۋكراينانى اسكەري بلوكقا شاقىرۋ تۋرالى ورتاق پىكىر جوق ەكەنىن باسا ايتتى.
ستولتەنبەرگ رەسەيمەن يادرولىق قاقتىعىس قاۋپى تۋرالى دا ايتتى. ول اليانس ماسكەۋدىڭ يادرولىق سالادا باتىستىڭ رەاكتسياسىن تالاپ ەتەتىن ەشقانداي ارەكەتىن بايقامايتىنىن اتاپ ءوتتى.
«ءبىز رەسەيدىڭ ارەكەتىن مۇقيات قاداعالاپ وتىرمىز، ازىرگە يادرولىق كۇشتەردىڭ ورنالاسۋىندا ءوز تاراپىمىزدان وزگەرتۋدى تالاپ ەتەتىن وزگەرىستەردى كورگەن جوقپىز»، - دەدى باس حاتشى،
باتىستىڭ قارۋ-جاراعىن رەسەي اۋماعىنا تەرەڭدەتۋ جاھاندىق جانە يادرولىق قاقتىعىسقا ۇلاسۋى مۇمكىن.
11 قىركۇيەكتە امەريكالىق ديپلومات دجۋلياننا سميت ۋكراينا سولتۇستىك اتلانتيكالىق اليانستىڭ مۇشەسى بولادى، بىراق وعان دەيىن كيەۆ ەكونوميكالىق جانە ساياسي جۇيەسىن رەفورمالاۋى كەرەك. سونداي-اق اسكەري قاقتىعىستى توقتاتۋ كەرەك. سوندىقتان ۋاقىت ءالى كەلمەگەنىن ايتتى.
