الماتىدا ەكى كولىك سوقتىعىستى. سالدارىنان جۇرگىزۋشىلەردىڭ ءبىرى ايالداماعا كىرىپ كەتىپ، اۋدارىلىپ قالدى، - دەپ حابارلايدى “ادىرنا” ۇلتتىق پورتالى.
الماتى قالالىق ءىىد ءباسپاسوز قىزمەتىنىڭ حابارلاۋىنشا، وقيعا بۇگىن تاڭعى ساعات 06:30-دا مەدەۋ اۋدانىندا بولعان.
«Volkswagen اۆتوكولىگىنىڭ جۇرگىزۋشىسى قابانباي باتىر كوشەسىمەن شىعىس باعىتتا كەلە جاتىپ، تىيىم سالىنعان باعدارشامنىڭ قيىلىسىنا شىعىپ كەتىپ، نازارباەۆ كوشەسىمەن سولتۇستىككە قاراي كەلە جاتقان Hyundai ماركالى كولىگىمەن سوقتىعىسقان. سالدارىنان Volkswagen كولىگى ايالداماعا كىرىپ كەتىپ، اۋدارىلىپ قالدى»، - دەپ حابارلادى الماتى جول پوليتسياسى.
وقيعا سالدارىنان ەشكىم زارداپ شەككەن جوق، دەپ قوستى پوليتسيا.
مەدەۋ اۋداندىق پوليتسيا ءبولىمىنىڭ قىزمەتكەرلەرى جول-كولىك وقيعاسىنىڭ ءمان-جايىن انىقتاۋعا كىرىستى.
