دزيۋدوشى جانارىس راحمەتقالي حورۆاتيادا وتكەن گران-پري تۋرنيرىندە قازاقستانعا دزيۋدودان ەكىنشى التىندى سىيلادى، دەپ حابارلايدى “ادىرنا” ۇلتتىق پورتالى ۇلتتىق وليمپيادا كوميتەتىنە سىلتەپ.
«دزيۋدودان قازاقستان قۇراماسىنىڭ مۇشەسى جانارىس راحمەتقالي زاگرەبتەگى (حورۆاتيا) گران-ءپريدى جەڭىپ الدى»، - دەلىنگەن حابارلامادا.
دزيۋدوشى 66 كەلىگە دەيىنگى سالماقتا فينالعا شىعىپ، 1/2 راۋندتا ەنتسو دجينانى (فرانتسيا) جەڭدى.
اقتىق سىندا راحمەتقالي بريتاندىق مايكل فرايەردى ۇتتى. نەگىزگى ۋاقىتتا دزيۋدوشىلار بىردەن جەڭە المادى. قوسىمشادا (گولدەن سكور) جانارىس ناتيجەلى ارەكەت جاساپ، «يپپون» ۇپايىمەن جەڭىسكە جەتتى.
ەسكە سالا كەتەيىك، بۇعان دەيىن عاليا تىنباەۆا (48 كەلىگە دەيىن) ەكىنشى بولسا، شەرزود داۆلاتوۆ (60 كەلىگە دەيىن) التىن العان بولاتىن.
