كوشى-قون قىزمەتى قوس ازاماتتىعى بار اباي وبلىسى بورودۋليحا اۋدانىنىڭ تۇرعىنىن انىقتادى، دەپ حابارلايدى “ادىرنا” ۇلتتىق پورتالى.
وبلىستىق پوليتسيا دەپارتامەنتى مالىمەتىنشە، تامىزدا قۇقىق قورعاۋ ورگاندارى بيىلعى ماۋسىمدا رەسەي فەدەراتسياسىنىڭ ازاماتتىعىن الىپ، قازاقستان ازاماتتىعى كۇشىن جويعانىن راسىمدەمەگەن 54 جاستاعى ەر ادامدى انىقتادى.
“سوت قاۋلىسى بويىنشا، قۇقىق بۇزۋشى قر اقبتك-ءنىڭ 496-بابى ەكىنشى بولىگى بويىنشا قازاقستان رەسپۋبليكاسىنان شىعارۋ تۇرىندەگى اكىمشىلىك جاۋاپكەرشىلىككە تارتىلدى”، - دەلىنگەن ۆەدومستۆونىڭ ءباسپاسوز حابارلاماسىندا.
سونىمەن قاتار ءتارتىپ ساقشىلارى ءتارتىپ بۇزۋشىدان رەسپۋبليكا ازاماتىنىڭ تولقۇجاتىن الىپ، قازاقستان ازاماتتىعىنان ايىرىلعانىن راسىمدەگەنى ناقتىلانادى.
پوليتسەيلەر ەلىمىزدە قوس ازاماتتىققا جول بەرىلمەيتىنىن ەسكە سالىپ، تۇرعىنداردان كوشى-قون زاڭناماسىن ساقتاۋدى سۇرايدى.
