بۇرىنعى ادىلەت ءمينيسترى مارات بەكەتاەۆ پەن الماتىنىڭ ەكس-اكىمى باۋىرجان بايبەككە قاتىسى بار كومپانيا ديرەكتورىنىڭ ۇستىنەن تەرگەۋ باستالدى، دەپ حابارلايدى "ادىرنا" ۇلتتىق پورتالى قازتاگ رەداكتسياسىنا سىلتەپ.
"Bolashak Consulting Group" جشس-ءنىڭ باس ديرەكتورى ساعيدوللا بايمۇراتقا قاتىستى تەرگەۋ تۋرالى 2024 جىلى 26 تامىزداعى سوت قۇجاتىندا جاريالاندى.
"جوعارعى ەسەپ سوتى ادىلەت مينيسترلىگىنە اۋديت جانە سەرىكتەستىككە قارسى تەكسەرۋ جۇرگىزدى. تەكسەرۋ قورىتىندىسى ءالى قۇپيا ساناتىندا. ال ماتەريالدار قىلمىستىق ءىس اياسىندا تاركىلەندى. بۇعان دەيىن "بولاشاق" كونسالتينگتىك توبى قازاقستاننىڭ مۇددەسىن شەتەلدە قورعاعان. ونىڭ ىشىندە مولدوۆالىق كاسىپكەرلەر گابريەل مەن اناتول ستاتيگە قاتىستى ءىس تە بار. كەزىندە "اقجول" پارتياسىنىڭ جەتەكشىسى ازات پەرۋاشەۆ كومپانيانىڭ جىلىنا 60 ميلليون دوللارعا دەيىن اقشا الاتىنىن ايتقان ەدى. قازاقستاندىق باق بۇل كومپانيانى بۇرىنعى ادىلەت ءمينيسترى مارات بەكەتاەۆ پەن الماتىنىڭ ەكس-اكىمى باۋىرجان بايبەكپەن بايلانىستىرادى", – دەلىنگەن حابارلامادا.
