اەس سالۋ بويىنشا رەفەرەندۋم 6 قازاندا وتەدى. بۇل تۋرالى قاسىم-جومارت توقاەۆ قازاقستان حالقىنا جولداۋىندا ايتتى، دەپ حابارلايدى “ادىرنا” ۇلتتىق پورتالى.
«اتوم ەلەكتر ستانساسىن سالۋ ماسەلەسىنە قاتىستى جالپىۇلتتىق رەفەرەندۋم بيىلعى 6 قازاندا وتەدى. بۇگىن ءتيىستى جارلىققا قول قويامىن. الداعى رەفەرەندۋم كەڭ اۋقىمدى جالپىۇلتتىق ديالوگتىڭ تاعى ءبىر ايقىن كورىنىسى بولماق. شىن مانىندە، بۇل – «حالىق ۇنىنە قۇلاق اساتىن مەملەكەتكە» ءتان سيپات»، – دەدى توقاەۆ جولداۋىندا.
پرەزيدەنتتىڭ ايتۋىنشا، قازىر الەمدە ەنەرگيا تاپشىلىعى كۇشەيىپ بارادى. ەلىمىزگە سەنىمدى جانە ەكولوگيالىق تازا قۋات كوزدەرى اسا قاجەت.
«سوندىقتان ءبىز اتوم ەنەرگەتيكاسىن دامىتۋعا باسا ءمان بەرۋىمىز كەرەك دەپ ويلايمىن. سەبەبى ەكونوميكامىز كۇن وتكەن سايىن مول ەنەرگيانى قاجەت ەتۋدە. مۇنداي سۇرانىستى اتوم ەنەرگەتيكاسى قامتاماسىز ەتە الادى. قازىر دامىعان جانە دامۋشى 30 مەملەكەتتە 200-گە جۋىق اتوم ەلەكتر ستانساسى جۇمىس ىستەپ تۇر»، – دەدى پرەزيدەنت.
