الەۋمەتتىك جەلىدە ەلگە كەلگەن جولاۋشىدان مايمىل شەشەگى انىقتالعانى تۋرالى اقپارات تارادى، دەپ حابارلايدى “ادىرنا” ۇلتتىق پورتالى.
اقپاراتقا قاتىستى دەنساۋلىق ساقتاۋ مينيسترلىگى سانيتاريالىق-ەپيدەميولوگيالىق باقىلاۋ كوميتەتىنىڭ ءباسپاسوز قىزمەتى دەرەكتىڭ جالعان ەكەنىن حابارلادى.
"جالعان اقپارات كورسەتىلگەن جاريالانىمداردا مايمىل شەشەگىنىڭ ەلگە ەنۋىنە قارسى دايىندىق بويىنشا وتكىزىلگەن ۆەدومستۆوارالىق وقۋ-جاتتىعۋ بارىسىندا تۇسىرىلگەن بەينەماتەريال قولدانىلعان. قر دسم سانيتاريالىق-ەپيدەميولوگيالىق باقىلاۋ كوميتەتى قازاقستاندا مايمىل شەشەگى اۋرۋىنىڭ بىردە-ءبىر جاعدايى تىركەلمەگەنىن مالىمدەيدى. مايمىل شەشەگىنىڭ ەلىمىزگە ەنۋىنىڭ الدىن الۋ ماقساتىندا وتكىزۋ پۋنكتتەرىندە سانيتاريالىق-كارانتيندىك باقىلاۋ كۇشەيتىلدى. جالعان اقپارات تاراتقان ادامداردىڭ ارەكەتتەرىنە قۇقىقتىق باعا بەرۋ ءۇشىن ماتەريالدار قۇقىق قورعاۋ ورگاندارىنا جولداندى. الەۋمەتتىك جەلى قولدانۋشىلارىن جانە بارلىق ازاماتتاردى تەك رەسمي دەرەككوزدەردەن الىنعان سەنىمدى اقپاراتقا عانا سەنۋگە شاقىرامىز", – دەپ جازادى ۆەدومستۆو ءباسپاسوز قىزمەتى.
