“نەمولچي” قورىنىڭ باسشىسى دينا ءتاڭسارى اۋرۋحاناعا ءتۇسىپ قالدى، دەپ حابارلايدى “ادىرنا” ۇلتتىق پورتالى.
تۇرمىستىق زورلىق-زومبىلىققا ۇشىراعان ايەلدەردىڭ قۇقىعى مەن بالالاردىڭ ومىرىنە ءجيى الاڭداپ، ارەكەت ەتۋگە شاقىراتىن «نەمولچيKZ» قورىنىڭ باسشىسى دينا ءتاڭسارىنىڭ جۇرەك تالماسى ۇستاپ، اۋرۋحاناعا جەتكىزىلگەن. مۇنداي اقپارات قوردىڭ رەسمي پاراقشاسىندا جاريالاندى.
«دينانى ءدال قازىر جۇرەك تالماسىمەن اۋرۋحاناعا اپارا جاتىر. سوڭعى 20 دينادا ەكى رەت جۇرەك تالماسى ۇستادى. 9 تامىزدا جانە 25 تامىزدا تاعى قايتالاندى. قىزدىڭ ىسىنە جانە قورعا تۇسكەن جۇكتەمەگە بايلانىستى، لاس اڭگىمەلەر مەن ايىپتاۋلار وتە كوپ. بىراق وسى جولى جۇرەك تالماسى تۋرا ءبىر ساعاتقا سوزىلدى. قالادان دارىگەر تاپپاي، قارجىلىق مۇمكىندىگىمىز بولماعاندىقتان ەم الا المادىق، اۋرۋدى ۇيدە باسۋعا تۋرا كەلدى. جەدەل جاردەم قىمبات ءارى بوسقا شاقىراتىن ەدىك.
24 تامىز كۇنى دينا ءتاڭسارى تەراپەۆتىڭ قابىلداۋىندا بولعان، دارىگەر جۇرەگى اۋىراتىنىن انىقتاپ، قىركۇيەكتىڭ ورتاسىنا كارديولوگقا جازعان. دارىگەرلەردىڭ باسقا بوس ۋاقىتى بولماعان. بىراق 25 تامىزدا جۇرەك تالماسى ۇستاعاندىقتان، قىركۇيەككە دەيىن كۇتۋ قاۋىپتى دەپ شەشكەن.
بۇگىن دەنساۋلىعى ناشارلاپ كەتتى، باسقا قالاعا بارۋعا تۋرا كەلدى. سەبەبى چەرنوگوريادا ماماندار تىم از، قازىر كوبى ەڭبەك دەمالىسىندا. سوندىقتان كارديولوگتى باسقا قالادان تاپتىق»، - دەيدى قوردىڭ رەسمي وكىلى.
قور وكىلدەرى دينا ءتاڭسارىنىڭ دەنساۋلىعىنا الاڭداپ، قايىرىمدى جانداردان قارجىلاي قولداۋ كورسەتۋدى سۇرايدى.
