Kaspi.kz قارجى مينيسترلىگىنىڭ مەملەكەتتىك كىرىستەر كوميتەتىمەن جانە تسيفرلىق دامۋ مينيسترلىگىمەن بىرلەسە وتىرىپ، جەكە كاسىپكەرلەرگە ارنالعان جاڭا قىزمەتتى ىسكە قوستى. ەندى جەكە كاسىپكەر تىكەلەي Kaspi.kz ءموبيلدى سۋپەرقوسىمشاسىندا جك رەكۆيزيتتەرى مەن سالىق رەجيمىن وزگەرتە الادى.
ميحايل لومتادزە، Kaspi.kz باسشىسى جانە نەگىزىن قالاۋشىلاردىڭ ءبىرى:
«مەملەكەتتىك ورگاندارمەن بىرلەسە وتىرىپ، Kaspi.kz ءموبيلدى قوسىمشاسىندا تاعى ءبىر جاڭا قىزمەتتى ىسكە قوسىپ وتىرمىز، ونىڭ كومەگىمەن كاسىپكەرلەر وزدەرىنىڭ سالىق رەجيمىن جانە جك رەكۆيزيتتەرىن ءوز بەتىنشە وزگەرتە الادى. ەندى كاسىپكەرلەر قۇجاتتاردى راسىمدەۋگە از ۋاقىت جۇمساپ، بيزنەسىن دامىتۋعا كوبىرەك ۋاقىت بولە الادى. قازىردىڭ وزىندە جەكە تۇلعالار، زاڭدى تۇلعالار جانە جەكە كاسىپكەرلەر Kaspi.kz جانە Kaspi Pay ءموبيلدى قوسىمشالارى ارقىلى كولىك سالىعىن، مۇلىك سالىعىن، تابىس سالىعىن، جەر سالىعىن، كەدەندىك الىمداردى، ققس جانە باسقا دا كوپتەگەن سالىقتاردى تولەپ جاتىر».
2023 جىلى Kaspi.kz ونلاين قىزمەتتەرىنىڭ كومەگىمەن 1,2 تريلليون تەڭگە سالىق تولەندى. 2024 جىلدىڭ ءبىرىنشى جارتى جىلدىعىندا تولەنگەن سالىق سوماسى 797 ميلليارد تەڭگەگە جەتتى. وسى ۋاقىتتا 16 ميلليوننان استام تولەم جۇرگىزىلدى. ەڭ كوپ تولەنگەن سالىقتارعا ءمامس جارنالارى مەن اۋدارىمدارى، مىندەتتى زەينەتاقى جارنالارى، الەۋمەتتىك اۋدارىمدار، الەۋمەتتىك سالىق جانە مۇلىك سالىعى كىردى.
مەملەكەتتىك كىرىستەر كوميتەتى جەكە كاسىپكەرلەرگە بيزنەس جۇرگىزۋ ىڭعايلى بولۋى ءۇشىن ونلاين قىزمەتتەردى، سونىڭ ىشىندە فينتەح كومپانيالارمەن جانە ەكىنشى دەڭگەيلى بانكتەرمەن سەرىكتەستىكتە ۇنەمى جەتىلدىرىپ وتىراتىنىن اتاپ ءوتتى.
قر قارجى مينيسترلىگىءنىڭ مەملەكەتتىك كىرىستەر كوميتەتىنىڭ توراعاسى جاندوس دۇيسەمبيەۆ:
«جەكە كاسىپكەر ارنايى سالىق رەجيمىن ءوزى وزگەرتە الادى. مۇنى بىرنەشە جولمەن جاساۋعا بولادى: Kaspi.kz ءموبيلدى قوسىمشاسى ارقىلى، سالىق تولەۋشىنىڭ كابينەتى ارقىلى نەمەسە قاعاز تاسىمالداعىشتا، مەملەكەتتىك كىرىستەر ورگاندارىنا تاپسىرۋ ارقىلى. تاڭدالعان رەجيمنىڭ باستالۋ كۇنى حابارلاما بەرىلگەن ايدان كەيىنگى ايدىڭ 1-ءى بولادى. سونداي-اق كاسىپكەر ءوز تىركەۋ دەرەكتەرىن Kaspi.kz ءموبيلدى قوسىمشاسى، سالىق تولەۋشىنىڭ كابينەتى نەمەسە E-license ەلەكتروندىق ليتسەنزيالاۋ ارقىلى وزگەرتە الادى».
ءتسدياوم مەملەكەتتىك قىزمەتتەر كوميتەتىنىڭ توراعاسى اينۇر يۋسۋپوۆا:
«تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى بارلىق ساناتتاعى ازاماتتار مەن كاسىپكەرلەرگە ارنالعان مەملەكەتتىك قىزمەتتەردى جاقسارتۋ جانە وڭايلاتۋ بويىنشا بەلسەندى جۇمىسىن جالعاستىرۋدا. ءبىزدىڭ Kaspi.kz جانە قارجى مينيسترلىگىمەن ىنتىماقتاستىعىمىز قازاقستاندا بيزنەستى جۇرگىزۋدى ايتارلىقتاي جەڭىلدەتەتىن ىڭعايلى جانە ءتيىمدى قۇرالداردى جاساۋعا باعىتتالعان.
Kaspi.kz ءموبيلدى قوسىمشاسىنداعى جاڭا قىزمەتتىڭ ىسكە قوسىلۋى ءبىزدىڭ تسيفرلاندىرۋ جانە مەملەكەتتىك قىزمەتتەردى جاقسارتۋ ستراتەگيامىزدىڭ تاعى ءبىر قادامى. ەندى كاسىپكەرلەر سالىق رەجيمىن جانە ءوز بيزنەسىنىڭ باسقا دەرەكتەمەلەرىن بىرنەشە مينۋت ىشىندە سالىق باسقارماسىنا بارماي-اق وزگەرتە الادى. ءبىز مۇنداي باستامالار قازاقستاننىڭ تسيفرلىق ەكوجۇيەسىنىڭ ودان ءارى دامۋىنا جانە مەملەكەتتىك قىزمەتتەردىڭ ساپاسىن جاقسارتۋعا ىقپال ەتەدى دەپ سەنەمىز».
بۇرىن كاسىپكەر جك دەرەكتەمەلەرىن جانە سالىق رەجيمىن وزگەرتۋ ءۇشىن قۇجاتتارمەن سالىق باسقارماسىنا بارۋى نەمەسە ەلەكتروندى تسيفرلىق قولتاڭبا كومەگىمەن سالىق تولەۋشىنىڭ كابينەتىندە ءوز دەرەكتەرىن وزگەرتۋى قاجەت بولاتىن.
ەندى بۇل ارەكەتتى Kaspi.kz قوسىمشاسىنداعى «مەملەكەتتىك قىزمەتتەر» بولىمىندە الدەقايدا جىلدام ءارى ىڭعايلى ورىنداۋعا بولادى. قىزمەت بارلىق جك-گە ولاردىڭ تىركەلگەن ورنى مەن ۋاقىتىنا قاراماستان قولجەتىمدى.
قوسىمشادا كەلەسىلەردى وزگەرتۋگە بولادى: جك اتاۋى مەن مەكەنجايى; سالىق ورگانى; ەقجج بويىنشا نەگىزگى جانە قوسىمشا قىزمەت تۇرلەرى; سالىق رەجيمى. Kaspi.kz قوسىمشاسىندا دەرەكتەمەلەر وزگەرتىلگەننەن كەيىن 24 ساعات ىشىندە مەملەكەتتىك ورگانداردىڭ بازاسىندا اۆتوماتتى تۇردە جاڭارتىلادى.
جك سالىق رەجيمىن جانە باسقا دەرەكتەمەلەردى قالاي وزگەرتۋگە بولاتىنى تۋرالى تولىعىراق اقپاراتتى Kaspi.kz ءموبيلدى سۋپەرقوسىمشاسىنداعى گيد قىزمەتىنەن وقىڭىز.
Kaspi.kz ميسسياسى – سۇيىكتى كليەنتتەرى مەن سەرىكتەستەرىنىڭ ءومىرىن جاقسارتاتىن يننوۆاتسيالىق ونىمدەر مەن قىزمەتتەردى جاساۋ. يننوۆاتسيالاردىڭ ورتالىعىندا ەلدەگى ەڭ تانىمال ءموبيلدى سۋپەرقوسىمشا Kaspi.kz تۇر، ونى 14 ميلليوننان استام قازاقستاندىق پايدالانادى.
Kaspi.kz سۋپەرقوسىمشاسىنىڭ كومەگىمەن قازاقستاندىقتار كوميسسياسىز تولەمدەر مەن اۋدارىمدار جاسايدى، جەكە قاراجاتتارىن باسقارادى، اۋە جانە تەمىرجول بيلەتتەرىن ساتىپ الادى، تۋرلار الادى، ونلاين، ۇيگە تەگىن جەتكىزۋ قىزمەتىمەن بىرگە ءتيىمدى زات ساتىپ الادى جانە ەڭ تانىمال مەملەكەتتىك قىزمەتتەردى پايدالانادى.
Kaspi.kz بيزنەس ءۇشىن Kaspi Pay سۋپەرقوسىمشاسىن دا جاسادى، ونى 700 مىڭعا جۋىق قازاقستاندىق كاسىپكەر پايدالانادى. Kaspi Pay قوسىمشاسى ارقىلى قازاقستاندىق كاسىپكەرلەر بيزنەسىن دامىتۋعا قارجى الادى، تولەم قابىلدايدى، جارنامالىق كامپانيالاردى ىسكە قوسادى، سالىق تولەيدى، Kaspi ماگازين جانە Kaspi جەتكىزۋ قىزمەتىنە قوسىلىپ، ءوز تاۋارلارىن بۇكىل ەل بويىنشا ساتادى.
