بەلارۋس پرەزيدەنتى الەكساندر لۋكاشەنكو ەلدىڭ قازىرگى پارلامەنتىنە مەن بۇرىنعى پرەزيدەنت پەن ولاردىڭ وتباسى مۇشەلەرىنە قارسى قوقان-لوققى ءۇشىن قىلمىستىق جاۋاپكەرشىلىك شارالارىن كەڭەيتەتىن زاڭ جوباسىن ۇسىندى، دەپ حابارلايدى "ادىرنا" ۇلتتىق پورتالى Orda.kz-كە سىلتەپ.
پرەزيدەنتتىڭ بۇل شەشىمى مەملەكەت باسشىسى مەن ونىڭ جاقىن تۋىستارى مەملەكەتتىك قىزمەتتە جۇرگەندە دە، قىزمەتتەن كەتكەننەن كەيىن دە قورعاۋدى كۇشەيتۋگە باعىتتالعانى ايتىلدى.
زاڭ جوباسىنداعى ۇسىنىلعان تۇزەتۋلەرگە سايكەس، زورلىق-زومبىلىق جاسايمىن دەپ قورقىتۋ، ەل پرەزيدەنتىنە نەمەسە ونىڭ وتباسىنا قارسى باعىتتالعان مۇلىكتى جويۋ نەمەسە ءبۇلدىرۋ ءۇش جىلدان سەگىز جىلعا دەيىنگى مەرزىمگە باس بوستاندىعىنان ايىرۋمەن جازالانباق.
ال ونشا اۋىر ەمەس بۇزۋشىلىقتار جاساعان جاعدايدا ءۇش جىلدان بەس جىلعا دەيىنگى مەرزىمگە باس بوستاندىعىن شەكتەۋ تۇرىندەگى جازا تاعايىندالادى. وسىعان ۇقساس شارالار بەلارۋستىڭ بۇرىنعى پرەزيدەنتى مەن ونىڭ تۋىستارىنا قارسى كەز كەلگەن ارەكەتتەردى جاساعاندارعا دا قولدانىلماق. قابىلداناتىن شارالاردىڭ ارقاسىندا ولاردىڭ وكىلەتتىك مەرزىمى اياقتالعاننان كەيىن دە ساقتالاتىن ەرەكشە مارتەبەسىن كورسەتەدى.
