جىر بولعان پاريج وليمپياداسى اياقتالدى، الدا جابىلۋ ءراسىمى كۇتىپ تۇر.
وليمپيادا بىتەردە قىزىق جاعداي ورىن الدى. جەڭىل اتلەتيكانىڭ بيىكتىكتە سەكىرۋ سايىسى ناعىز دراماعا اينالدى. ءتورت جىل بۇرىن بۇل سپورتتىڭ تۇرىندە يتاليالىق دجانماركو تامبەري مەن قاتارلىق مۋتازز بارشيم مىقتىنى انىقتاي الماي، ەكەۋى دە التىن العان ەدى. ەكەۋى پاريجگە قايتادان كەلدى.
جارىستىڭ باستالۋىنا 3 كۇن قالعاندا تامبەريدىڭ بۇيرەگى سىر بەرىپ، اۋرۋحاناعا ءتۇسىپ قالدى. دارىگەرلەر وعان تىيىم سالسا دا، ءبارىبىر ول جاقتان قاشىپ شىعىپ، ىرىكتەۋگە قاتىسىپ، فينالعا جولداما الدى. فينالعا ءبىر كۇن قالعاندا بۇيرەگى تاعى اسقىنىپ، تاعى دا اۋرۋحاناعا ءتۇستى، قايتتان قاشىپ شىعىپ، قانشا سەكىرسە دە، ويناپ تۇرىپ باعىندىراتىن مەجەنى الا الماي، سول جەردە قۇلاپ، جاسىنا ەرىك بەردى.
باستى فاۆوريت جارىستان شىققان كەزدە، سول قاتارلىق مۋتازز التىن الادى دەپ ءبارى كۇتتى. بىراق ول بىرنەشە مۇمكىندىكتەرىن ءساتسىز ورىنداپ، امەريكالىق شەلبي ماكيۋەن جانە جاڭا زەلانديالىق حەميش كەررگە جول بەرىپ قويدى.
سودان مىنا ەكەۋى كەزەك-كەزەك سەكىرسە دە، مىقتىنى انىقتاي المادى. ەكەۋىنىڭ ناتيجەلەرى تەپە-تەڭ. سوندا ۇيىمداستىرۋشىلار توكيوداعىداي ەكەۋىنە دە التىن بەرمەكشى بولعاندا، حەميش وعان كەلىسكەنمەن، جاپ-جاس شەلبي بوي بەرمەدى. سودان سۋپەرفينال باستالدى. ارى سەكىرەدى، بەرى سەكىرەدى، تاياقشا قۇلاي بەرەدى. ءبىر كەزدە كەرردىڭ باعى جانىپ، 2,38 مەتر بيىكتىكتى باعىندىرىپ، ستاديوندى اينالىپ جۇگىرىپ كەتەدى. شەلبي بولسا اقش-تىڭ تۋىن الىپ، كۇمىسكە دە قاناعات دەپ وتىرىپ قالادى.
قىزىقتىڭ كوكەسى سول كەزدە باستالدى. ول كەزدە اقش پەن قىتاي جالپى ەسەپتە ءبىرىنشى ورىن ءۇشىن تالاسىپ جاتتى. جالپى مەدال سانى بويىنشا اقش الدا تۇرعانمەن، قىتايدىڭ ءبىر التىنى ارتىق. بۇدان كەيىنگى جارىستاردا التىن الا المايتىن شىعارمىز دەپ، اقش جانكۇيەرلەرى شەلبيدى قارعاپ، تابالاپ، بوقتادى. ءوي، اقىماق، بەرىپ تۇرعان التىننان كىم باس تارتادى، سەنىڭ كەسىرىنەن ءبىز قىتايدى قۋىپ جەتە المايتىن بولدىق. شەلبيگە ايتپاعان ءسوز قالمادى. سۇمدىق حەيت. وكىنىپ جۇرگەن اتلەتتىڭ قايتا جولى بولدى، اقش تاعى ءۇش التىن الىپ، اقىرى قىتايدى جالپى ەسەپتە التىن سانى بويىنشا قۋىپ جەتتى (40-40). ول بولماعاندا، شەلبيگە كۇن كورسەتپەيتىن ەدى. بىراق، اقش قىتايدان وزا المادى، التىندارى تەڭ، شەلبيدىڭ امبيتسياسى بولماسا، اقش تازا ءبىرىنشى ورىن الاتىن ەدى))
ال، دجانماركو تامبەري وسى وليمپيادانىڭ باس قاھارمانداردىڭ بىرىنە اينالدى.
جانكۇيەر دەگەن قاتىگەز حالىق قوي، ءۇمىتىن اقتاماساڭ، ايامايدى، تاپتاپ تاستايدى. ءۇش كۇننەن كەيىن تۇك بولماعانداي، باسقالاردى حەيتيت ەتىپ جۇرە بەرەدى))
ءبىز بولساق وتىرمىز، جالعىز التىنىمىزدى قۇشاقتاپ، ونى الىپ بەرگەن جىگىتتى ءسوز قىلۋدان شارشاماي. ول دا سويلەپ قالعان پالۋان ەكەن، باس حەيتكە جاۋاپ بەرە بەرەدى، توقتاماي)
Almas Junisbay
