قازاقستان رەسەي اۋماعىندا وتەتىن اسكەري جاتتىعۋلارعا قاتىسادى، دەپ حابارلايدى “ادىرنا” ۇلتتىق پورتالى قازتاگ-قا سىلتەپ.
«2024 جىلدىڭ 12-16 تامىزى ارالىعىندا رەسەي گۆاردياسىنىڭ ءسىبىر وكرۋگىنىڭ گورنىي پوليگونىندا (نوۆوسيبيرسك وبلىسى) ۇقشۇ ۇجىمدىق قاۋىپسىزدىك ۇيىمىنىڭ 2024 جىلعا ارنالعان كوماندالىق-باسقارۋ ورگاندارى مەن كۇشتەرى مەن قۇرالىمدارىن بىرلەسكەن وقىتۋ جوسپارىنا سايكەس بىرنەشە كەزەڭ بويىنشا، ىشكى ىستەر جانە ۇلتتىق قاۋىپسىزدىك ورگاندارىنىڭ، ىشكى اسكەرلەردىڭ، ارنايى جانە ەسىرتكىگە قارسى قىزمەتتەردىڭ، سونداي-اق ارنايى كۇشتەر قۇرامالارىنىڭ قۇرامىنا كىرەتىن اۆاريالىق-قۇتقارۋ جانە ءورت ءسوندىرۋ قۇرىلىمدارىنىڭ ارنايى بولىمشەلەرىمەن ارنايى وقۋ-جاتتىعۋلار وتەدى»، - دەلىنگەن ۇقشۇ جاريالاعان مالىمەتتە.
مالىمەتتەرگە سايكەس، وقۋ-جاتتىعۋدىڭ ءبىرىنشى كەزەڭىندە ۇيىمعا مۇشە مەملەكەتتەردىڭ قۇزىرلى ورگاندارىنىڭ بىرىككەن ارنايى جاساق توپتارى وقۋ-جاتتىعۋ جانە قولدانبالى جەدەل جاۋىنگەرلىك تاپسىرمالاردى ورىندايدى.
«سونىمەن بىرگە، ۇقشۇ تجك تقك جەدەل شتابىنىڭ جەدەل قۇرامىمەن ارنايى وپەراتسيانى جوسپارلاۋ جانە وتكىزۋ بويىنشا كوماندالىق-شتابتىق وقۋ وتەدى. وقۋ-جاتتىعۋدىڭ ەكىنشى كەزەڭى اياسىندا اسكەري قارۋدان تاكتيكالىق وق اتۋدان جارىستار وتكىزىلىپ، ارنايى جاساقتاردىڭ بىرىككەن جەدەل-جاۋىنگەرلىك توپتارىنىڭ جۇكتەلگەن مىندەتتەردى شەشۋدەگى پراكتيكالىق ءىس-ارەكەتتەرى ويناتىلادى. ۇقشۇ باس حاتشىسى يمانعالي تاسماعامبەتوۆ وقۋ-جاتتىعۋدىڭ بەلسەندى كەزەڭىنە جانە ونىڭ قورىتىندىسىن شىعارۋعا قاتىسادى»، - دەلىنگەن حابارلامادا.
