قازاقستان شەكاراسىندا كيبەرالاياقتىق جاسادى دەگەن كۇدىكتى رەسەيلىك ازامات ۇستالدى، دەپ حابارلايدى “ادىرنا” ۇلتتىق پورتالى پروكۋراتۋرانىڭ ءباسپاسوز قىزمەتىنە سىلتەپ.
«18 شىلدەدە تاراز قالاسى پروكۋراتۋراسىنىڭ كەلىسۋىمەن قالالىق ىشكى ىستەر ءبولىمىنىڭ قىزمەتكەرلەرى جەدەل ىزدەستىرۋ جۇمىستارى بارىسىندا قالانىڭ ءۇش ازاماتىن ينتەرنەت-الاياقتىق ارقىلى الداپ كەتكەن رەسەي فەدەراتسياسىنىڭ ازاماتى «ر»نى ۇستادى»، - دەلىنگەن حابارلامادا.
پروكۋرورلار ساۋىردەن مامىرعا دەيىن شەتەلدىك ازامات پەن ونىڭ سىبايلاستارى ءارتۇرلى نومىرلەردەن تەلەفون سوعىپ، وزدەرىن «بانكتىڭ ەكىنشى دەڭگەيلى قاۋىپسىزدىك قىزمەتكەرى» جانە «قۇقىق قورعاۋ ورگانىنىڭ قىزمەتكەرى» دەپ تانىستىرىپ، ولاردىڭ اتىنان الاياقتاردىڭ بانكتەن نەسيە الماق بولعانىن ايتىپ الداپ سوققان.
«وسى سحەمانى پايدالانا وتىرىپ، WhatsApp الەۋمەتتىك جەلىسىنىڭ بەينەبايلانىسى ارقىلى الاياقتار ولارعا جالعان نەسيە بەرىپ، ازاماتتارددىڭ 19 ميلليون تەڭگە قارجىسىن يەمدەنگەن»، - دەپ حابارلايدى پروكۋراتۋرا.
كۇدىكتى مەملەكەتتىك شەكارا بەكەتىنەن قىرعىز رەسپۋبليكاسىنا ءوتىپ بارا جاتقان جەرىندە ۇستالدى.
