ازامات ساتىبالدى “قازاقفيلم” باسشىسى قىزمەتىنەن كەتكەنىن راستادى، دەپ حابارلايدى “ادىرنا” ۇلتتىق پورتالى.
ساتىبالدى قىزمەتتەن كەتۋىنە قىتايداعى اۋقىمدى جوبا سەبەپ بولعانىن ايتتى.
«30 شىلدەدەن بەرى مەن قىتايدا بولىپ، حالىقارالىق كينوجوباعا قاتىستىم. «قازاقفيلممەن» كەلىسىمشارتىم اياقتالدى، مەن ونى ۇزارتپايمىن دەپ شەشتىم. مۇنداي دەڭگەيدەگى حالىقارالىق جوباعا العاش رەت قازاقستاندىق اكتەر شاقىرىلىپ، تۇسىرىلىمگە قاتىسۋدىڭ بىرەگەي مۇمكىندىگىنە يە بولدىم. بۇل مەنىڭ اكتەرلىك مانسابىمداعى ەلەۋلى قادام جانە قازاق ونەرىن الەمدىك ارەنادا تانىتۋعا بەرىلگەن مۇمكىندىك. ءتۇسىرىلىم قىتايدا دا، قازاقستاندا دا بىرنەشە ايعا سوزىلادى»، - دەدى ساتىبالدى.
الايدا مادەنيەت مينيسترلىگى كينوكومپانيا باسشىسىنىڭ قىزمەتتەن كەتكەنى شىندىققا جاناسپايتىنىن ايتادى.
ايتا كەتەيىك، ازامات ساتىبالدى بۇل قىزمەتتى نەبارى ءبىر جىل اتقاردى.
