رەسپۋبليكالىق دەرماتولوگيا عىلىمي ورتالىعىنىڭ باسشىسى مەن ونىڭ ورىنباسارى جەمقور دەگەن كۇدىككە ءىلىندى. بۇل تۋرالى بۇگىن، 22 شىلدە سىبايلاس جەمقورلىققا قارسى ءىس-قيمىل اگەنتتىگى جاريالادى، دەپ حابارلايدى “ادىرنا” ۇلتتىق پورتالى.
الماتى قالاسى بويىنشا سىبايلاس جەمقورلىققا قارسى قىزمەتى قازاق دەرماتولوگيا جانە جۇقپالى اۋرۋلار عىلىمي ورتالىعىنىڭ باسشىسى مەن ونىڭ ورىنباسارىنا قاتىستى سوتقا دەيىنگى تەرگەۋ جۇرگىزىپ جاتىر.
ولار مەديتسينالىق قىزمەتكەرلەردىڭ بىلىكتىلىگىن ارتتىرۋ بويىنشا قىزمەتتەر كورسەتۋگە شارت جاساسقانى ءۇشىن حالىقارالىق جوعارى وقۋ ورنىنان كەيىنگى ءبىلىم بەرۋ ينستيتۋتىنىڭ باسشىسىنان 5 ملن تەڭگە سوماسىندا پارا الۋ بويىنشا كۇدىككە ءىلىندى.
سوتتىڭ سانكتسياسىمەن ورتالىقتىڭ باسشىسى قاماۋعا الىندى.
تەرگەۋ جالعاسىپ جاتىر.
قىلمىستىق-پروتسەستىك كودەكستىڭ 201-بابىنا سايكەس وزگە اقپارات جاريا ەتۋگە جاتپايدى.
كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكستىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.
