اقمولا وبلىسىندا قازاقتاردى بالاعاتتاعان ادام ۇستالىپ، ونىڭ ۇستىنەن قىلمىستىق ءىس قوزعالدى، دەپ حابارلايدى “ادىرنا” ۇلتتىق پورتالى.
«پوليتسيا دەپارتامەنتى (پد) اقمولا وبلىسىنىڭ تۇرعىنىنىڭ ۇستالعانى تۋرالى حابارلادى. ول ماس كۇيىندە بەيادەپ سوزدەر ايتىپ، ەتنوستىق بالاعات سوزدەردى قولدانعان. اتالعان فاكتى بويىنشا سوتقا دەيىنگى تەرگەۋ باستالدى. سونىمەن قاتار، ادەپسىز سوزدەرگە قاتىستى اكىمشىلىك ءىس قوزعالدى. ءىس ماتەريالدارى قارالىپ، ءتيىستى شارا قولدانۋ ءۇشىن سوتقا جولداندى»، - دەپ حابارلادى سارسەنبى كۇنى اقمولا وبلىستىق پوليتسيا دەپارتامەنتىنىڭ ءباسپاسوز قىزمەتى.
جەلىدە بۇعان دەيىن ەر ادامنىڭ قازاق ۇلتىنىڭ وكىلدەرىنە بالاعات سوزدەر ايتقان ۆيدەوسى تاراعان بولاتىن. 
