رەسەي پرەزيدەنتى ۆلاديمير پۋتينگە قارسى جاسالعان قاستاندىق ارەكەتى ءساتسىز اياقتالدى، دەپ حابارلايدى “ادىرنا” ۇلتتىق پورتالى. بۇل تۋرالى سەنبى، 13 شىلدەدە ۋكراينا قورعانىس مينيسترلىگىنىڭ باس بارلاۋ باسقارماسىنىڭ (ببب) باسشىسى كيريلل بۋدانوۆ ۋكرايندىق NV ينتەرنەت-باسىلىمىنا بەرگەن سۇحباتىندا مالىمدەدى.
بۇل سۇحباتتى بىرقاتار باسقا ۋكرايندىق باق-تار دا كەلتىرەدى. «ۆلاديمير پۋتينگە قارسى قاستاندىق ارەكەتتەرى جاسالدى، بىراق وزدەرىڭىز كورىپ وتىرعانداي، ولار ازىرگە ءساتسىز اياقتالىپ وتىر»، - دەدى بۋدانوۆ وزگە قوسىمشا مالىمەتتەر بەرمەي.
سونىمەن بىرگە، ۋكراينا ارنايى قىزمەتىنىڭ باسشىسى رەسەيلىكتەر قازىر ءپۋتيندى جوعالتىپ الۋدان «قورقادى»، «ويتكەنى ول ولاردىڭ ومىرلىك تۇراقتىلىعىنىڭ كەپىلى» دەگەن پىكىرىن ءبىلدىردى. ونىمەن قوسا ول، پۋتين قايتىس بولعاننان كەيىن رەسەيلىكتەر يوسيف ستالين قايتىس بولعاننان كەيىن كسرو ازاماتتارىنىڭ كۇيىن كەشەدى، دەپ سانايدى
كرەملدىڭ ءباسپاسوز حاتشىسى دميتري پەسكوۆ بۋدانوۆپەن سۇحباتىن جاريالاعاننان كەيىن رەسەي پرەزيدەنتى «كيەۆتىڭ قاۋىپ-قاتەرىنەن» جەتكىلىكتى قورعالعانىن ايتتى.
