زورلىق-زومبىلىققا قاتىستى اكىمشىلىك نەمەسە قىلمىستىق قۇقىق بۇزۋشىلىق جاساعان تۇلعالارعا ەمحانالاردا پسيحولوگيالىق قولداۋ كورسەتىلەتىن بولادى. بۇل تۋرالى دەنساۋلىق ساقتاۋ مينيسترلىگىنىڭ جاڭا ەرەجەسىندە ەنگىزىلدى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، بۇل كومەك مىنەز-قۇلىقتى وزگەرتۋگە جانە كەلەسى وقيعالاردىڭ الدىن الۋعا باعىتتالعان. سەسسيالاردى وسىنداي كليەنتتەرمەن جۇمىس ىستەۋ ءۇشىن ارنايى دايىندالعان پسيحولوگتار جۇرگىزەدى، ونىڭ ىشىندە سەنىمدى قارىم-قاتىناس ورناتۋ، مىنەز-قۇلىق اسپەكتىلەرىن تۇزەتۋ جانە ارالاسۋ ناتيجەلەرىن باعالاۋ كەزەڭدەرى قامتىلعان.
سونىمەن قاتار، وسىنداي ادامداردىڭ مىنەز-قۇلقىن تۇزەتۋگە جانە الدىن الۋعا باعىتتالعان پسيحولوگيالىق كومەك ەمحانالاردا كورسەتىلەتىن بولادى.
كومەك سوت اكتىسى نەگىزىندە كورسەتىلەدى. پسيحولوگيالىق كونسۋلتاتسيالار پسيحولوگ كابينەتىندە جۇرگىزىلەدى.
مۇنداي ادامدارعا پسيحولوگيالىق كومەك كورسەتۋگە قارسى كورسەتكىشتەر رەتىندە ستاتسيونارلىق ەمدەۋدى قاجەت ەتەتىن اۋرۋلاردىڭ نەمەسە جۇقپالى اۋرۋلاردىڭ بولۋى دەپ تانىلدى. كومەكتى بىلىكتى پسيحولوگتار كورسەتەدى.
