قاراعاندى وبلىسى اكىمىنىڭ ورىنباسارى بولىپ الىبەك الدەنەي تاعايىندالدى. ول ءبىلىم، ىشكى ساياسات، تىلدەردى دامىتۋ، جاستار ساياساتى، ءدىن، مادەنيەت جانە سپورت ىستەرى ماسەلەلەرىنە جەتەكشىلىك ەتەتىن بولادى، دەپ حابارلايدى “ادىرنا”ۇلتتىق پورتالى.
الدەنەي الىبەك ۇسەنۇلى 1984 جىلى تۇركىستان وبلىسىندا دۇنيەگە كەلگەن. ءۇش جوعارى ءبىلىمى بار: ءال-فارابي اتىنداعى قازاق ۇلتتىق ۋنيۆەرسيتەتىن «ساياساتتانۋ» ماماندىعى بويىنشا، قاراعاندى قارجى ينستيتۋتىن «قارجىگەر» ماماندىعى بويىنشا، قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ ماگيستراتۋراسىن بىتىرگەن. ەڭبەك جولىن 2006 جىلى قر اقپارات جانە سپورت مينيسترلىگى اقپارات جانە مۇراعاتتار كوميتەتى بۇقارالىق اقپارات قۇرالدارى باسقارماسىنىڭ بۇقارالىق اقپارات قۇرالدارىنىڭ مونيتورينگى ءبولىمىنىڭ جەتەكشى مامانى بولىپ باستادى. 2006 جىلدان 2010 جىلعا دەيىن قازاقستان رەسپۋبليكاسى مادەنيەت جانە اقپارات مينيسترلىگىندە ءتۇرلى لاۋازىمداردا جۇمىس ىستەدى. 2010 جىلدان 2013 جىلعا دەيىن «2011 جىلعى 7-ءشى قىسقى ازيا ويىندارىنىڭ اتقارۋشى ديرەكتسياسى» اق ماركەتينگتىك ساياسات بويىنشا باس مەنەدجەرى، «حالىقارالىق باعدارلامالار ورتالىعى» اق جوبالار ءبولىمىنىڭ مەنەدجەرى، «سامۇرىق-قازىنا» ۇاق اقپاراتتىق-تالداۋ دەپارتامەنتىنىڭ باس مەنەدجەرى قىزمەتتەرىندە ەڭبەك ەتتى. 2015 جىلى «وڭتۇستىك استانا» تەلەراديوكومپانياسى» اق باس ديرەكتورى بولىپ تاعايىندالدى. 2019 جىلدان باستاپ استانا قالاسىندا «AMANAT» پارتياسىنىڭ حاتشىسى بولىپ جۇمىس ىستەدى، 2023 جىلدان باستاپ قازىرگى ۋاقىتقا دەيىن قازاقستان رەسپۋبليكاسى پرەزيدەنتى اكىمشىلىگىنىڭ كوممۋنيكاتسيالار ءبولىمى مەڭگەرۋشىسىنىڭ ورىنباسارى بولدى. 2024 جىلدىڭ 1 شىلدەسىنەن باستاپ قاراعاندى وبلىسى اكىمىنىڭ الەۋمەتتىك سالا، ىشكى ساياسات، قوعامدىق دامۋ ماسەلەلەرى جونىندەگى ورىنباسارى بولىپ تاعايىندالدى.
