ءماجىلىس دەپۋتاتى ەرمۇرات باپي سىرقاتتانىپ قالدى. بۇل تۋرالى ول Facebook-تەگى پاراقشاسىندا جازدى. دەپ حابارلايدى “ادىرنا” ۇلتتىق پورتالى.
"اۋىرىپ قالعان جاعداي بار... دياگنوز بەلگىسىز... ۋلانۋ مەن ۋلاندىرۋعا قاتىستى كۇدىك بار دەيدى... كلەتكالىق-مولەكۋريالىق نەگىزدە دياگنوستيكا قاجەت ەكەن... كورەرمىز... امان بولايىق، اعايىن!", - دەپ جازدى تومەنگى پالاتا دەپۋتاتى.
“ادىرنا” ۇلتتىق پورتالى دەپۋتاتقا حابارلاسىپ، جاعدايىن سۇراعاندا، “قازىر جامان ەمەس، ءبىر قالىپتى” ەكەنىن ايتتى.
ەرمۇرات باپي - قازاقستان رەسپۋبليكاسى پارلامەنتىنىڭ ءماجىلىسىنىڭ VIII شاقىرىلىمنىڭ دەپۋتاتى. ول وعان دەيىن "دات – وبششەستۆەننايا پوزيتسيا" گازەتى باس رەداكتوردىڭ كەڭەسشىسى، باس رەداكتورى بولدى.
