الماتىدا كاۋاپحانا ورتەنىپ كەتتى. بۇل تۋرالى بۇگىن توتەنشە جاعدايلار مينيسترلىگى مالىمدەدى، دەپ حابارلايدى “ادىرنا” ۇلتتىق پورتالى.
قۇتقارۋشىلار ءورتتى ءسوندىردى.
"بۇگىن تاڭەرتەڭ بوستاندىق اۋدانىنداعى مەيرامحانا اۋماعىندا 30 شارشى مەتر جەردە جەكە تۇرعان كاۋاپحانا جانىپ كەتتى", - دەپ جازىلعان حابارلامادا.
تجم كۇشتەرى جاقىن ورنالاسقان نىساندارعا ءورتتىڭ تارالۋ قاۋپىن قىسقا ۋاقىت ىشىندە جويدى. وت شاقىرتۋ تۇسكەن ساتتەن باستاپ 17 مينۋت ىشىندە اۋىزدىقتالدى.
"زارداپ شەككەندەر جوق. ءورتتىڭ سەبەبى انىقتالىپ جاتىر", - دەپ جازىلعان تجم حابارلاماسىندا.
