«اۆاتار» جانە «تيتانيك» فيلمدەرىمەن تانىمال امەريكاندىق پروديۋسەر دجون لانداۋ قايتىس بولدى، دەپ حابارلايدى “ادىرنا” ۇلتتىق پورتالى The Hollywood Reporter باسىلىمىنا سىلتەمە جاساپ.
5 شىلدە كۇنى دجون لانداۋ 63 جاسىنا قاراعان شاعىندا كوز جۇمدى. رەسمي دەرەكتەردە پروديۋسەر ءولىمىنىڭ سەبەبى بەلگىسىز ەكەنى ايتىلعان. بىراق كەيبىر امەريكاندىق اقپارات كوزدەرى ونىڭ قاتەرلى ىسىكتەن قايتىس بولعانىن حابارلاۋدا.
دجون لانداۋ ءوزىنىڭ مانسابىن 1980 جىلدارى كينو سالاسىنداعى مەنەدجەرلىكتەن باستادى.
1997 جىلى دجون لانداۋ دجەيمس كەمەرونمەن بىرلەسە جۇمىس ىستەي باستادى. سولاي ول 1997 جىلى جاريالانعان “تيتانيك” ءفيلمىنىڭ پروديۋسەرى بولدى.
فيلم كينو تاريحىندا الەمدىك پروكاتتا ءبىر ميلليارد دوللاردان استام تابىس تاپقان ءبىرىنشى فيلم بولدى. سونداي-اق، سۋعا باتقان كەمە تۋرالى سيۋجەت 11 رەت وسكار سىيلىعىن الدى. ەكى رەت «ەڭ ۇزدىك فيلم» نوميناتسياسىن يەلەندى.
