قىرعىزستاندا قولدان جاسالعان جارىلعىش زاتتاردى قولدانىپ، بيلىكتى قارۋلى تۇردە باسىپ الۋعا ارەكەتتەنگەن بەس ازاماتتى ۇستالدى. بۇل تۋرالى قىرعىزستان ۇلتتىق قاۋىپسىزدىك مەملەكەتتىك كوميتەتى مالىمدەدى، دەپ حابارلايدى “ادىرنا” ۇلتتىق پورتالى.
«بيلىكتى كۇشپەن باسىپ الۋدى جانە جاپپاي تارتىپسىزدىكتەر ارقىلى جاعدايدى تۇراقسىزداندىرۋدى جوسپارلاعان توپتىڭ ارەكەتى توقتاتىلدى. ق.ب.ا.، م.ە.ج.، ب.ب.ك.، م.ا.ج. مەن س.ا.ب.، ۇقك ۋاقىتشا ۇستاۋ يزولياتورىنا قامالدى»، - دەپ حابارلادى ۆەدومستۆودان.
توپ قىلمىستىق يدەولوگيا مەن راديكالدى ءدىني كوزقاراستاردى قولدايتىن تۇلعالاردان قۇرالعان. ءتىنتۋ كەزىندە قولدان جاسالعان جارىلعىش قۇرىلعىلاردىڭ قۇرامداس بولىكتەرى، اتىس قارۋلارى، وق-دارىلەر، راتسيالار، بروندار، پوليتسيا كيىمدەرى، دروندار مەن ەكسترەميستىك ادەبيەتتەر تابىلدى.
