الماتى اكىمى ەربولات دوساەۆتىڭ وكىمىمەن، قر پرەزيدەنتى اكىمشىلىگىنىڭ كەلىسىمىمەن الماتى قالاسى اكىمىنىڭ ورىنباسارى بولىپ ازامات قالدىبەكوۆ تاعايىندالدى، دەپ حابارلايدى “ادىرنا” ۇلتتىق پورتالى.
ازامات قالدىبەكوۆ 1984 جىلى 11 قازاندا دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىن «حالىقارالىق قۇقىق» ماماندىعى بويىنشا بىتىرگەن، بولاشاق باعدارلاماسى بويىنشا ديۋك ۋنيۆەرسيتەتىندە (سولتۇستىك كارولينا، اقش) قۇقىق ماگيسترى دارەجەسىن العان، قازاق ۇلتتىق اگرارلىق زەرتتەۋ ۋنيۆەرسيتەتىندە فيلوسوفيا دوكتورى (Phd) عىلىمي دارەجەسىن العان.
ەڭبەك جولىن 2007 جىلى الماتى قالاسى بوستاندىق اۋدانى № 2 اۋداندىق سوتىنىڭ جەتەكشى مامانى قىزمەتىنەن باستاعان.
ءار جىلدارى قر ۇلتتىق بانكى، «سامۇرىق-قازىنا» اق، «ازاماتتارعا ارنالعان ۇكىمەت» مەملەكەتتىك كورپوراتسياسى» كەاق قۇرىلىمدارىندا جۇمىس ىستەدى.
2018 جىلى الماتى قالاسى اكىمىنىڭ باس ينسپەكتورى بولدى. 2018 جىلدىڭ شىلدەسىنەن 2019 جىلدىڭ ناۋرىزىنا دەيىن الماتى قالاسى جەتىسۋ اۋدانى اكىمى اپپاراتىنىڭ باسشىسى قىزمەتىن اتقاردى. 2019 جىلدىڭ ناۋرىز-قازان ارالىعىندا الماتى قالاسى جەر قاتىناستارى باسقارماسى باسشىسىنىڭ ورىنباسارى بولىپ ەڭبەك ەتتى. 2020 جىلدىڭ قاڭتارىنا دەيىن الماتى قالاسى جاسىل ەكونوميكا باسقارماسى باسشىسىنىڭ ورىنباسارى قىزمەتىن اتقاردى.
2020 جىلدىڭ قاڭتار ايىنان باستاپ قازىرگى ۋاقىتقا دەيىن الماتى قالاسى الاتاۋ اۋدانىنىڭ اكىمى بولعان.
