“ادىرنا” ۇلتتىق پورتالى YouTube ارناسىنداعى “تارازى” باعدارلاماسىنىڭ كەزەكتى قوناعى - قوعام قايراتكەرى، بۇرىنعى دەپۋتات، «ەلىم-اي» قورىنىڭ جەتەكشىسى سەرىك ءابدىراحمانوۆ.
سۇحبات بارىسىندا قوعامدا قازىر وزەكتى بولىپ وتىرعان ساياسي ماسەلەلەرگە توقتالدى. ول نازارباەۆ كەزىندە ۇرلانعان دۇنيە بانديتتىك جولمەن بولىسكە ءتۇسىپ جاتىر دەپ ەسەپتەيدى. ايتۋىنشا، قازىر دە بيلىكتىڭ ىشىندە وتىرعان نازارباەۆتىڭ ادامدارى قازىرگى پرەزيدەنتتىڭ جۇمىس ىستەۋىنە جول بەرمەي وتىرسا كەرەك. وتارسىزدانۋ ماسەلەسى جايىندا ايتقاندا سەرىك ءابدىراحمانوۆ نازارباەۆ تاۋەلسىزدىكتى جەكەشەلەندىرىپ الدى دەپ ەسەپتەيتىنىن ايتتى. ول تاۋەلسىزدىك تۇسىنداعى العاشقى پارلامەنت سايلاۋىن ەسكە الدى.
«باسىندا ءبارى ءتاۋىر باستالىپ، سوڭىندا نازارباەۆ تاۋەلسىزدىكتى جانشىپ ءوتتى»، - دەيدى ول.
سەرىك ءابدىراحمانوۆتىڭ ايتۋىنشا، سودان كەيىن نازارباەۆتىڭ قالاۋىمەن، تۇسىنىكپەن ءومىر ءسۇرۋ ءۇردىسى قالىپتاستى. «استانامىز دۋبايدا» دەپ استارلاعان ول ءماسىموۆتىڭ ماسەلەسى، قىتاي فاكتورى. 30 جىلدا قولدان كەتكەن مۇمكىندىكتەر جانە يمانعالي تاسماعامبەتوۆ جايلى ايتتى. ايتۋىنشا، قازىر ءار وبلىس اكىمى ءوز ينۆەستورى مەن ءوز قولداۋشىسىنا يە. وسىنداي جولسىز ارەكەتتەر بولىپ جاتقاندا قوعام، حالىق ەسسىزدىككە ۇشىراپ، كوماعا ءتۇسىپ كەتتى دەيدى قوعام قايراتكەرى سەرىك ءابدىراحمانوۆ.
