«ادىرنا» ۇلتتىق پورتالىنىڭ كەزەكتى سۇقباتى قوعامدىق بەلسەندى، بۇرىنعى سەناتور، «كەناسارى حان» قورىنىڭ جەتەكشىسى ءۋاليحان قايسارمەن بولدى.
ساياساتكەر اڭگىمە بارىسىندا ەلدەگى قوعامدىق، الەۋمەتتىك جانە مادەني ماسەلەلەرگە قاتىستى ويلارىمەن بولىسكەن. «ەستيتىن ۇكىمەت»، «قۋاتتى پارلامەنت» ۇراندارىن سىناعان ول بيلىكتى ەستىمەيتىن، كورمەيتىن بەينەدە سيپاتتايدى. ايتۋىنشا، بيلىكتىڭ جۇمىسى ءبىر ساتتىك ءورت سوندىرۋشىلىك قىزمەتىمەن عانا سيپاتتالادى. سوڭعى 20 جىلداعى پارلامەنت، كوپۆەكتورلى ساياسات، تۇران وداعى، اۋعانستانمەن قاتىناس تۋرالى ايتقان ساياساتكەر مادەني كەڭىستىكتى قورعاۋ تۋرالى سۇراقتارعا دا جاۋاپ بەرگەن. ول سوندايدا بۇل ماسەلەگە رەسەيلىك تەلەارنالار مەن ەل مادەنيەتىنە جات ءدىني اعىمدارعا كەڭشىلىك بەرگەن ۇكىمەت جاۋاپتى دەپ سانايدى. ءۋاليحان قايسار تازا سايلاۋ وتكىزىپ، سوت ىستەرىن وزگەرتسە، كوپ نارسە وزگەرەدى دەگەن سەنىمدە.
ايتۋىنشا، ورىس ءتىلى ءپريميتيۆتى سيپاتقا يە بولعاندىقتان عانا قولدانىستان قالماي كەلەدى. بۇل – مادەنيەتتىڭ كورسەتكىشى ەمەس. ول كەنەسارى حاننىڭ باسى ماسكەۋدە جاتىر دەپ سانايدى.
