تەاتر جانە كينو رەجيسسەرى، بەلگىلى كينودراماتۋرگ تالعات تەمەنوۆ اۋرۋحاناعا ءتۇسىپ قالدى، - دەپ حابارلايدى “ادىرنا” ۇلتتىق پورتالى Massaget.kz سايتىنا سىلتەپ.
بۇل تۋرالى جۋرناليست سەرىك اباس-شاح الەۋمەتتىك جەلىدەگى پاراقشاسىندا مالىمدەگەن.
"21 اپتادان سوڭ 70 جاسقا تولعالى وتىرعان تالعات تەمەنوۆ دوسىم(ىز) سىرقاتتانىپ قالىپتى (اياعىنا وتا جاساتىپ اۋرۋحانادا جاتىر ەكەن). 4 قاباتتا ورنالاسقان پالەنشەسىنشى پالاتاعا كىرىپ شىقتىم. ادامزات تاريحى تۋرالى ءبىر عىلىمي كىتاپتى قىزىعا وقىپ جاتىر ەكەن. "مىنانى تاۋىپ الىپ وقىشى، سەكە" دەدى. مەن بۇل كىتاپتىڭ مەندە بار ەكەنىن ايتتىم. ەكەۋمىز 59 مينۋتتاي اڭگىمەلەستىك ء(تۇرلى تاقىرىپتا). ءشاي ىشتىك ء(شايدى 21 جەلتوقساندا تۋعان اقكوڭىل مەدبيكە دايىنداپ اكەپ بەردى)", دەپ جازدى سەرىك اباس-شاح.
تالعات تەمەنوۆ قازاقستان لەنين كومسومولى سىيلىعىنىڭلاۋرەتى; «قازاقستاننىڭ ەڭبەك سىڭىرگەن ءارتىسى» قۇرمەتتى اتاعىمەن، 1999 جىلى «قازاقستاننىڭ حالىق ءارتىسى» قۇرمەتتى اتاعىمەن ماراپاتتالعان.
2005 جىلى پرەزيدەنت جارلىعىمەن "قۇرمەت" وردەنىنىڭ يەگەرى اتاندى. 2013 جىلى پرەزيدەنت جارلىعىمەن "پاراسات" وردەنىنىڭ يەگەرى اتاندى. 2016 جىلى "قر تاۋەلسىزدىگىنە 25 جىل" مەدالىمەن ماراپاتتالعان. قازاقستان تەاترلار اسسوتسياتسياسىنىڭ «ساحناگەر – 2017» ۇلتتىق تەاتر سىيلىعىنىڭ «تەاتر ونەرىن دامىتۋعا قوسقان وراسان زور ەڭبەگى ءۇشىن» اتالىمى بويىنشا ماراپاتتالدى. (استانا. 27 ناۋرىز، 2017 جىل).
