قازاقستان تۇركى مەملەكەتتەرى ۇيىمىنىڭ جۇك تاسىمالى تۋرالى كەلىسىمىن راتيفيكاتسيالادى، دەپ حابارلايدى “ادىرنا” ۇلتتىق پورتالى اقوردانىڭ ءباسپاسوز قىزمەتىنە سىلتەپ.
«مەملەكەت باسشىسى «تۇركى مەملەكەتتەرى ۇيىمىنا مۇشە مەملەكەتتەردىڭ ۇكىمەتتەرى اراسىنداعى حالىقارالىق ارالاس جۇك تاسىمالى تۋرالى كەلىسىمدى راتيفيكاتسيالاۋ تۋرالى» قازاقستان رەسپۋبليكاسىنىڭ زاڭىنا قول قويدى»، - دەلىنگەن حابارلامادا.
كەلىسىم تەمىرجول، سۋ جانە اۆتوموبيل كولىگىنىڭ زاماناۋي جۇيەلەرىن دامىتۋعا، پويىزداردىڭ كەدەندىك راسىمدەرىن جەدەلدەتۋ ءۇشىن الدىن الا اقپارات الماسۋدى قامتاماسىز ەتۋگە، سونداي-اق جۇكتەرگە قاتىستى تسيفرلىق تەحنولوگيالاردى ەنگىزۋگە ىقپال ەتەدى دەپ كۇتىلۋدە.
