اباي وبلىسىندا سۋعا باتقان ايەل قۇتقارىلدى، دەپ حابارلايدى "ادىرنا" ءتىلشىسى.
وقيعا 23 ماۋسىم كۇنى اباي وبلىسىنىڭ كۋرچاتوۆ قالاسىندا بولعانى انىقتالدى. ايەل ادام سۋعا باتىپ بارا جاتىپ ايعايلاعان. ءورتسوندىرۋشى جانعازى جۇماعازين مەن ادىلەت وسپانوۆ قالالىق جاعاجاي اۋماعىندا جاياۋ پاترۋلدەۋ جۇرگىزۋ كەزىندە كومەك سۇراعان داۋىستاردى ەستىگەن ەدى.
ارتىنشا قۇتقارۋشىلار دەرەۋ كومەككە جەتىپ، 1976 جىلى تۋعان ايەل ادامدى سۋعا باتىپ كەتۋدەن قۇتقارىپ قالدى.
"ايەلدىڭ جاعدايى تۇراقتى، مەديتسينالىق كومەك قاجەت بولمادى. تجم ازاماتتاردى سۋدا قاۋىپسىزدىك ەرەجەلەرىن ساقتاۋعا شاقىرادى", - دەپ جازىلعان تجم حابارلاماسىندا.
سۋعا باتقان 1976 جىلى تۋعان ايەل ادام ەكەنى انىقتالدى.
