بۇۇ يزرايلگە قارۋ-جاراق پەن وق-ءدارى جەتكىزۋدى توقتاتۋعا شاقىردى، دەپ حابارلايدى «ادىرنا» ءتىلشىسى EuroNews-كە سىلتەمە جاساپ.
ۇيىمنىڭ ادام قۇقىقتارى جونىندەگى ساراپشىلارى بۇل ەسكەرتۋگە قۇلاق اسپاعان كومپانيالاردىڭ ادامزاتقا قارسى جاساعان قىلمىستارى ءۇشىن جاۋاپقا تارتىلۋى مۇمكىن ەكەنىن ەسكەرتتى.
«يزرايلگە قارۋ-جاراق پەن وق-دارىلەردى جىبەرۋ ادام قۇقىقتارى مەن حالىقارالىق گۋمانيتارلىق قۇقىقتى ەلەۋلى بۇزۋ بولىپ سانالادى. ول مەملەكەتتىڭ حالىقارالىق قىلمىستارعا، سونىڭ ىشىندە گەنوتسيدكە قاتىسۋ قاۋپىن تۋدىرۋى مۇمكىن»، - دەلىنگەن باياندامادا.
سونداي-اق بۇۇ قارۋ-جاراق ساۋداسى مەن تاسىمالداۋدى قارجىلاندىراتىن كومپانيالاردى جاۋاپكەرشىلىككە شاقىرادى.
ايتا كەتەيىك، بۇعان دەيىن اقش يزرايلگە مىڭداعان بومبا بەرۋدى توقتاتقان ەدى. يزرايل پرەمەرى بينيامين نەتانياحۋ ەلدىڭ جالعىز كۇرەسە الاتىنىن ايتىپ، «قاجەت بولسا، يزرايلدىكتەر تىرناعىمەن دە سوعىسادى» دەگەن مالىمدەمە جاسادى.
