تۇركىستاندا 17 جاستاعى جىگىت كامەلەت جاسقا تولماعان قىزدى جەتى رەت زورلاعانى انىقتالدى، دەپ حابارلايدى “ادىرنا” ۇلتتىق پورتالى.
بۇل تۋرالى «نە مولچي» قورى مالىمدەدى.
سوت-پسيحياتريالىق ساراپتاماسى زورلانعان قىزدىڭ جالعان ايتپاعانىن قورىتىندىلاعان. جىگىت قىزدى زورلاپ، قورقىتقان ساتىندەگى اڭگىمەلەرىنىڭ ستەنوگرامماسى دا بار.
«قىزدى زورلاعان سوڭ اۆتوبۋسقا وتىرعىزىپ، ۇيىنە جىبەرگەن. قان جاعىلعان ورامالدى سۋرەتكە ءتۇسىرىپ، ەگەر بىرەۋگە جاق اشار بولسا، ونى (قىزدى - رەد.) كولونياعا جىبەرەتىنىن ايتىپ قورقىتقان. وسىلاي قىزدى جەتى رەت زورلاپ كەلگەن. سوت وتىرىسىندا جىگىت قىزدىڭ ءوزىن ازعىرعانىن ايتىپ، كىناسىن مويىندامادى»،- دەلىنگەن قور جازباسىندا.
“نەمولچي” مالىمەتىنشە، زورلاۋ فاكتىسىن انىقتاعان بارلىق ساراپتامالاردان كەيىن ءىس 120-باپتىڭ 3-1 «كامەلەتكە تولماعانعا قاتىستى بىرنەشە رەت كۇش قولدانا وتىرىپ زورلاۋ» بويىنشا سارالانعان. بىراق سوت ءدال سوت تەرگەۋى كەزىندە ءىستى 122-باپتىڭ 1-بولىگىنە – «16 جاسقا تولماعان اداممەن جىنىستىق قاتىناسقا ءتۇسۋ» دەگەن ساناتىنا جاتقىزىلعان.
كۇدىكتى جىگىت سوت وتىرىسىنىڭ بىرىندە ءۇزىلىس جاريالاعان. سودان كەيىن جينالىس مۇلدە كەيىنگە شەگەرىلگەنى دە بەلگىلى بولدى.
