رەسەيلىك Utair اۋە كومپانياسىنىڭ ان-26 جولاۋشىلار ۇشاعى يامالو-نەنەتسك اۋدانىندا ۇشۋ-قونۋ جولاعىنا جاقىن جەردە قۇلادى. ءساتسىز قونۋدىڭ سالدارىنان كەمەنىڭ كورپۋسى ەكىگە ءبولىنىپ كەتكەن، دەپ حابارلايدى “ادىرنا” ۇلتتىق پورتالى رەسەيلىك ينتەرفاكس اگەنتتىگىنە سىلتەپ.
رەسەيلىك باق اۋەلى سابەتتا اۋەجايىنان ۇشىپ، ۋترەننىي اۋەجايىنا بەت العان ۇشاقتىڭ اۋە قوزعالىسىن باسقارۋ كەزىندە راداردان جوعالىپ كەتكەنىن حابارلادى.
بورتتا 5 ادامنان تۇراتىن ەكيپاج جانە 36 جولاۋشى بولعان.
ەكى ەكيپاج مۇشەسى مەن ءبىر جولاۋشى زارداپ شەككەن. ۋتاير اپاتتى قونۋعا اۋا رايىنىڭ كۇرت ناشارلاۋى سەبەپ بولعانىن ايتتى.
«بارلىق 36 جولاۋشى مەن 5 ەكيپاج مۇشەسى اۋەجاي تەرمينالىنىڭ عيماراتىنا ەۆاكۋاتسيالاندى. جولاۋشى مەن ەكى ەكيپاج مۇشەسى جاراقات الىپ، ولارعا مەديتسينالىق كومەك كورسەتىلدى»، - دەپ حابارلادى اۋە كومپانياسى.
ۇشاق قۇلاعان جەردەن 2 شاقىرىم جەردە ورنالاسقان ۋترەننىي اۋەجايى اركتيكالىق كليماتتىق بەلدەۋدە ورنالاسقان.
بۇقارالىق اقپارات قۇرالدارى مەن تەلەگرام-كانالداردا جاريالانعان سۋرەتتەردە كەمەنىڭ قار قۇرساۋىندا قالىپ، جارتىسى سىنعانىن كورۋگە بولادى.
ان-26 مودەلىن كيەۆتە انتونوۆ كونسترۋكتورلىق بيۋروسى ازىرلەدى جانە العاش رەت 1973 جىلى پايدالانۋعا بەرىلدى.
