قر ونەركاسىپ جانە قۇرىلىس ءمينيسترى ۋتيل الىمنان جينالعان قاراجاتقا قاتىستى پىكىر ءبىلدىردى، دەپ حابارلايدى “ادىرنا” ۇلتتىق پورتالى.
مينيستر قانات شارلاپاەۆ حالىقتى الاڭداتقان ۋتيل الىمعا قاتىستى پىكىر ءبىلدىردى. ول جينالعان قاراجاتتىڭ اۆتوموبيل سالاسىنا جۇمسالاتىنىن ايتتى.
"ۋتيلالىمنان تۇسكەن قاراجاتقا بۇگىنگى تاڭدا اۆتوموبيلگە ارنالعان دوڭگەلەكتەر مەن شينالار، پلاستيكالىق اۆتوبولشەكتەر شىعارىلادى. كاسىپورىنداردىڭ مۇددەسىن قورعاۋ – مەنىڭ تىكەلەي مىندەتىم. لوببيزم جاسادى دەۋ ورىنسىز. وتاندىق ونەركاسىپتىڭ دامۋىنا جاعداي جاساۋىمىز كەرەك", – دەدى شارلاپاەۆ.
