ءۇندىستاندا ءبىر تاۋلىك ىشىندە بىرنەشە ادام قازا تاپتى، دەپ حابارلايدى "ادىرنا" ۇلتتىق پورتالى ۆۆس-گە سىلتەپ.
ەلدىڭ سولتۇستىگى مەن شىعىسىنداعى اپتاپ ىستىقتان ءبىر تاۋلىكتە 85-تەن اسا ادام كوز جۇمدى. قازا تاپقاندار سانى ناقتىلانۋدا. باسىلىمنىڭ حابارلاۋىنشا، ەڭ كوپ ءولىم-ءجىتىم وديشادا تىركەلگەن. ءۇندىستاننىڭ شىعىس جاعالاۋىنداعى بۇل شتاتتا اپتاپ ىستىقتان 46 ادام كوز جۇمىپ، تاعى بىرنەشە ادام اۋرۋحاناعا جاتقىزىلعان.
ال بيحاردا 16 ادام قازا تاپتى. ۋتتار-پرادەشتە 15 ادام قايتىس بولسا، دجاركحاند پەن رادجاستحاندا جوعارى تەمپەراتۋرادان 4 ادام كوز جۇمدى.
سولتۇستىك ءۇندىستاندا جانە ەلدىڭ شىعىسىنداعى كەيبىر ايماقتاردا اپتاپ ىستىق جالعاسىپ جاتىر.
