ءار قازاق ساپالى، سەنىمدى كولىك مىنگىسى كەلەدى. بىراق سىرتتان كىرگىزگەن كولىككە ەكى ەسە ارتىق الىم تولەتەدى. ويتكەنى، قىتايدىڭ كولىكتەرى ءوتۋى ءتيىس. بۇرىن دا سولاي بولعان، ياعني، ورىستىڭ كولىكتەرى ءوتۋى ءتيىس بولعان.
ءبىز ەكى الىپتىڭ ورتاسىنداعى دارمەنسىز ەل بولىپ وتىرمىز. كونبەسەك، اكەمىزدى تانىتادى. نە ىستەۋ كەرەك؟
ءسىز قىتايدىڭ كولىگىن الماڭىز. ۇلتىڭىزدىڭ بولاشاعى ءۇشىن جاياۋ ءجۇرىڭىز نەمەسە باسقا امالىن تابىڭىز. سوندا نارىقتان وزدەرى-اق كەتەدى. نەمەسە ارزاندايدى. كىم بانكروت بولعىسى كەلەدى دەيسىڭ.
وسىعان ۇقساس ءادىستى بريتان وتارلاۋشىلارىنا قارسى گاندي قولداندى دەپ ەستىپ ەدىم.
ەگەر ورىس ءتىلى ءسىزدىڭ ۇلتىڭىزدىڭ تاۋەلسىزدىگىنە نۇقسان كەلتىرىپ جاتقانىن بايقاساڭىز، ول تىلدە سويلەمەڭىز. رەسەيگە بارعاندا عانا سويلەڭىز.
ەۆوليۋتسيالىق دامۋ بارىسىندا قولدانىلماي قالعان مۇشە وزىنەن ءوزى جويىلاتىنى نەمەسە دامىماي قالاتىنى تۋرالى تەوريا بار. رۋديمەنت دەپ اتالادى. قازىر تاۋەلسىز قازاقستاندا قازاق ءتىلى رۋديمەنت بولىپ بارا جاتقان جوق پا دەپ قاۋىپتەنەمىز.
قايىربەك شاعىر
