"ادىرنا" ۇلتتىق پورتالىنىڭ يۋتۋب ارناسىندا جاڭا سۇحبات جاريالاندى. بۇگىنگى سۇحباتتىڭ سپيكەرى - جۋرناليست، ساياساتكەر، قر پارلامەنتى ءماجىلىسىنىڭ دەپۋتاتى ەرمۇرات باپي.
يۋتۋب ارناداعى سۇحباتتا ەل بولاشاعى، اكتيۆتەردى قايتارۋ، 30 جىلداعى قازاقستان، رەسەيدىڭ ىقپالى سىندى بىرقاتار وزەكتى ماسەلەلەر تالقىلاندى.
"اكتيۆتەردى قايتارۋ كوميسسياسىنىڭ قۇرامىن ۇكىمەت جاساقتايدى. ءبىز كەزىندە وسى اكتيۆتەردى قايتارۋ جونىندە زاڭ جوباسى تالقىلاۋ بارىسىندا وسى كوميسسيانى پارلامەنت قۇرسىن دەگەن ۇسىنىسپەن شىققانبىز. زاڭ جوباسىنا ۇسىنعان وزگەرىسىمىز وتپەي قالدى. سەبەبى مۇددەلى توپتار بولدى، دەپۋتاتتاردىڭ اراسىندا دەپ تە ايتۋعا بولادى. قازىر ول كوميسسيانى تەك قانا پرەمەر-مينيستر قۇرادى. ول ۇكىمەتتىڭ شاتىرىنىڭ استىندا وتەدى", - دەدى ەرمۇرات باپي.
ودان بولەك، سۇحبات بارىسىندا قايتارىلعان اكتيۆتەر، ەكس-پرەزيدەنت پەن ونىڭ تۋىستارىنا قاتىستى، ەلدەگى سالافيزم ماسەلەسى، مەكتەپ پەن مەشىت تاقىرىپتارى تالقىلاندى.
