قىرعىزستان كەدەن قىزمەتى باسشىسىنىڭ بۇرىنعى ورىنباسارى رايىمبەك ماترايموۆقا قاتىسى بار دەپۋتاتتار قىزمەتىنەن بوساتىلدى. بۇل تۋرالى ەلدىڭ ۇلتتىق قاۋىپسىزدىك جونىندەگى مەملەكەتتىك كوميتەتىنىڭ توراعاسى قامشىبەك تاشيەۆ ايتتى، دەپ حابارلايدى «ادىرنا» ءتىلشىسى «اكيپرەسس»-كە سىلتەمە جاساپ.
«جوگوركۋ كەنەشتى «تازالاۋ» اياقتالدى. ەندى پارلامەنتتە جەمقور شەنەۋنىكپەن كەدەن ارقىلى قىزمەتتەس بولعان نەمەسە ورتاق بيزنەس جاساعان ادامدار جوق»،—دەدى ول.
جوگوركۋ كەنەشتىڭ VII شاقىرىلىمىنىڭ جۇمىسى بارىسىندا 18 دەپۋتات ءارتۇرلى سەبەپپەن ءوز مانداتىن تاپسىردى. الايدا ولاردىڭ اراسىندا قاي ساياساتكەردىڭ رايىمبەك ماترايموۆپەن ىستەس بولعانى بەلگىسىز.
ءبىر اي بۇرىن قىرعىز ۇقك باسشىسى ەل پارلامەنتىن جەمقور دەپۋتاتتاردان تازارتۋعا ۋادە بەرگەن بولاتىن.
«پارلامەنتكە حالقىنا قىزمەت ەتۋگە دايىن ادامدار، ءوز ەلىنىڭ پاتريوتتارى كەلۋى كەرەك»، - دەدى قامشىبەك تاشيەۆ
ەسكە سالايىق، 2024 جىلعى قاڭتاردىڭ اياعىندا رايىمبەك ماترايموۆقا ۇلتتىق قاۋىپسىزدىك كوميتەتى ىزدەۋ جاريالاپ، ونىڭ ميللياردتاعان سومدىق جىلجىمايتىن مۇلكى مەملەكەت مەنشىگىنە وتكىزىلدى.
