بۇگىن — جازۋشى، اقىن، ءتىلتانۋشى، ساياساتكەر ولجاس سۇلەيمەنوۆ 88 جاسقا تولدى، دەپ حابارلايدى «ادىرنا» ءتىلشىسى.
ولجاس ومارۇلى 1936 جىلى الماتى قالاسىندا تۋعان. قازاق مەملەكەتتىك ۋنيۆەرسيتەتىنىڭ گەوگرافيا فاكۋلتەتىن ءبىتىرىپ، ماكسيم گوركي اتىنداعى ادەبيەت ينستيتۋتىندا وقىعان. «كازاحستانسكايا پراۆدا» گازەتى رەداكتسياسىنىڭ ءبولىم مەڭگەرۋشىسى، «قازاقفيلم» كينوستۋدياسى ستسەناري-رەداكتسيالىق القاسىنىڭ باس رەداكتورى، قازاقستان جازۋشىلار وداعىنىڭ حاتشىسى، قازاق كسر كينەماتوگرافيا جونىندەگى مەملەكەتتىك كوميتەتىنىڭ توراعاسى، قر جوعارعى كەڭەسىنىڭ دەپۋتاتى، قازاقستاننىڭ يتالياداعى توتەنشە جانە وكىلەتتى ەلشىسى قىزمەتتەرىن اتقارعان.
ول ءوز تۋىندىلارىن ورىس تىلىندە جازادى. ولەڭدەرى مەن پوەمالارىنىڭ العاشقى جيناعى 1961 جىلى «ارعىماقتار» دەگەن اتپەن جارىق كورگەن. ونىڭ ستسەناريى بويىنشا «اتامەكەن»، «كوگىلدىر مارشرۋت»، «قىس – قولايسىز ماۋسىم»، ت.ب. فيلمدەر تۇسىرىلگەن. «از ي يا»، «جازۋ ءتىلى» اتتى ءتىل بىلىمىنە قاتىستى زەرتتەۋلەرى، «نۇرلى تۇندەر»، «مەشىن جىلى»، «كوڭىل كوكجيەگى»، «ءار كۇن – ارايلى تاڭ»، «اق داريا اسپانى»، «جۇمىر جۇلدىز»، «شاپاعاتتى شاق»، «اتامەكەن»، تاعى دا باسقا جيناقتارى شىققان.
1975 جىلى ولجاس سۇلەيمەنوۆ «از ي يا» ەڭبەگىندە «يگور جاساعى تۋرالى جىردى» زەرتتەي كەلە، وزىندىك عىلىمي تۇجىرىم جاسادى. بۇل ەڭبەك ماسكەۋدە رەزونانس تۋدىرىپ، كىتاپقا تىيىم سالىندى. كەيىنگى جىلدارى اقىن ساياساتقا بەت بۇردى. ول سەمەي پوليگونىنىڭ جابىلۋىنا زور ۇلەس قوستى.
1989 جىلدىڭ اقپانىندا Oلجاس سۇلەيمەنoۆ بۇقاpالىق اقپاpات قۇpالداpى اpقىلى قازاقستان حالقىنا ۇندەy جاpيالادى. ال كەلەسi كۇنi الماتى قالاسىنداعى جازyشىلاp Oداعىنىڭ عيماpاتى الدىندا اتoم بoمباسىنا قاpسى «نەۆادا-سەمەي» قoزعالىسىن جاpيالادى. بip اي كولەمiندە اتoمدىق بoمباعا قاpسىلىق بiلدipگەن ءتوpت ميلليoن ادامنان قoلحات الىندى. سoنىڭ اpقاسىندا 1989 جىلدىڭ 19 قازانىندا سەمەيدە اتoم سىناعى تoقتاتىلعان ەدi.
1991 جىلدىڭ 29 تامىزىندا تۇڭعىش پرەزيدەنت نۇرسۇلتان نازاpباەۆ پاليگoندى جابy تypالى جاpلىق شىعاpدى.
«ءبىز سسسر-ءدىڭ سول كەزدە شاتقاياقتاپ تۇرعان ۇكىمەتىنەن جانە ءوزىمىزدىڭ قازاق سوۆەتتىك رەسپۋبليكاسىنان ەندى پوليگوندى رەسمي تۇردە جابۋىن تالاپ ەتۋدى جالعاستىرا بەردىك. اقىرى پوليگون جابىلدى. پوليگوندى جابۋ تۋرالى وكىمگە قازاقستان ۇكىمەتى، سول كەزدەگى پرەزيدەنت نۇرسۇلتان نازارباەۆ قول قويدى. بىراق پوليگوندى جاپقان ول ەمەس ەكەنى تۇسىنىكتى، پوليگوندى جاپقان قازاقستان حالقى بولاتىن»،—دەيدى ولجاس ومارۇلى.
