202 وتباسى سۋ تاسقىنىنان قيراعان باسپاناسىنىڭ ورنىنا تۇرعىن ءۇي مەن پاتەر الدى. بۇل تۋرالى قر پرەمەر-ءمينيسترىنىڭ رەسمي اقپاراتتىق رەسۋرسى جاريالادى، دەپ حابارلايدى “ادىرنا” ۇلتتىق پورتالى.
قازاقستان ۇكىمەتى مەملەكەت باسشىسى قاسىم-جومارت توقاەۆتىڭ تاپسىرماسى بويىنشا بيىلعى كوكتەمدە ورىن العان اۋقىمدى سۋ تاسقىنىنان زارداپ شەككەن ازاماتتارعا كەلتىرىلگەن شىعىندى وتەۋ جۇمىستارىن جالعاستىرۋدا.
اقپاراتقا سايكەس، بۇگىنگى تاڭدا 24 641 وتباسى 9,3 ملرد تەڭگەدەن استام سوماعا 100 اەك مولشەرىندە بىرجولعى تولەم الدى. مال شىعىنى ءۇشىن بەرىلگەن مەملەكەتتىك كومەك كولەمى 1,3 ملرد تەڭگەدەن استى. 17 مامىرداعى جاعداي بويىنشا بۇگىندە 202 وتباسى قيراعان باسپاناسىنىڭۇقساس جاڭالىقتار
سونىمەن قاتار 596 وتباسىنا 878 ملن تەڭگەدەن استام سوماعا تۇرعىن ءۇيدى جوندەۋگە جانە قالپىنا كەلتىرۋگە وتەماقى تولەندى. زارداپ شەككەن وڭىرلەردە بارلىعى 10 740 تۇرعىن ءۇي تەكسەرىلىپ، 8 168 نىسان بويىنشا باعالاۋ جۇرگىزىلدى.
كەلتىرىلگەن زياندى وتەۋ جۇمىستارى جالعاسۋدا جانە ۇكىمەتتىڭ قاتاڭ باقىلاۋىندا. قر پرەزيدەنتىنىڭ تاپسىرماسى بويىنشا زارداپ شەككەن ازاماتتاردىڭ بارلىعىنا جان-جاقتى كومەك پەن قولداۋ كورسەتىلەدى.
