سەمەيدە ءىز-ءتۇزسىز جوعالىپ كەتكەن بالالاردىڭ ءبىرى – التىناي ابىشەۆا ءولى تابىلدى. بۇل تۋرالى اباي وبلىسى پوليتسيا دەپارتامەنتى مالىمدەدى، دەپ حابارلايدى “ادىرنا” ۇلتتىق پورتالى.
15 مامىر كۇنى 18 جاسار قىزدىڭ دەنەسى «قۇرىلىسشى» پروفيلاكتورياسىنىڭ ماڭىندا سۋدان تابىلدى.
«تۋىستارىنا جانە جاقىندارىنا قايعىرىپ كوڭىل ايتامىن»، - دەدى اباي وبلىسى پد باستىعى بەكتورە سۇلتان.
اتالعان فاكتى بويىنشا سوتقا دەيىنگى تەرگەۋ جۇرگىزىلىپ، بىرقاتار ساراپتامالار تاعايىندالدى.
ايتا كەتسەك، سەمەي قالاسى تۇرعىنىنىڭ 16 جانە 18 جاستاعى بالالارى حابار-وشارسىز كەتكەنى تۋرالى شاعىمىمەن جاسوسپىرىمدەردى ىزدەۋگە سەمەي پوليتسيا گارنيزونى كوتەرىلگەن.
ىزدەۋ ءىس-شارالارى ۇلتتىق ۇلاننىڭ، پوليتسيانىڭ، قۇتقارۋشىلاردىڭ، ەرىكتىلەردىڭ، سونداي-اق بەلسەندى ازاماتتاردىڭ كۇشتەرى مەن قۇرالدارىن تارتا وتىرىپ جۇرگىزىلۋدە.
كامەلەتكە تولماعان بالانى ىزدەۋ جالعاسۋدا.
