ەرالى توعجانوۆ پرەمەر-مينيستر ولجاس بەكتەنوۆتىڭ كەڭەسشىسى بولىپ تاعايىندالدى. بۇل اقپاراتتى ۇكىمەت باسشىسىنىڭ ءباسپاسوز قىزمەتى راستادى، دەپ حابارلايدى “ادىرنا” ۇلتتىق پورتالى.
ول 1963 جىلعى 13 مامىردا باتىس قازاقستان وبلىسىندا دۇنيەگە كەلگەن. 1988 جىلى قاراعاندى مەملەكەتتىك ۋنيۆەرسيتەتىن، 1994 جىلى قازاقستان رەسپۋبليكاسىنىڭ عىلىم اكادەمياسىنىڭ مەملەكەت جانە قۇقىق ينستيتۋتىن تامامداعان. ماماندىعى بويىنشا بىلىكتىلىگى — زاڭگەر.
ەڭبەك جولىن 1980 جىلى ورال وبلىسى وكتيابر ورمان شارۋاشىلىعىنىڭ جۇمىسشىسى رەتىندە باستاعان.
1988-2001 جىلدارى — قاراعاندى مەملەكەتتىك ۋنيۆەرسيتەتىندە وقىتۋشى، قر عىلىم اكادەمياسىنىڭ مەملەكەت جانە قۇقىق ينستيتۋتىنىڭ ديرەكتورى، فاكۋلتەت دەكانى، قازاق مەملەكەتتىك زاڭ ۋنيۆەرسيتەتىنىڭ فيليالىنىڭ ديرەكتورى.
2001-2006 جىلدارى — قاراعاندى وبلىسى اكىمىنىڭ ورىنباسارى.
2006-2008 جىلدارى — قازاقستان رەسپۋبليكاسى ادىلەت مينيسترلىگىنىڭ ءدىن ىستەرى جونىندەگى كوميتەت توراعاسى.
2008-2017 جىلدارى — قازاقستان حالقى اسسامبلەياسى توراعاسىنىڭ ورىنباسارى، قر پرەزيدەنتى اكىمشىلىگىنىڭ قازاقستان حالقى اسسامبلەياسىنىڭ حاتشىلىعىنىڭ مەڭگەرۋشىسى، قر پرەزيدەنتى اكىمشىلىگىنىڭ ىشكى ساياسات ءبولىمىنىڭ سەكتور مەڭگەرۋشىسى.
2017-2019 جىلدارى — ماڭعىستاۋ وبلىسىنىڭ اكىمى.
2019-2020 جىلدارى — قر كاسىپوداقتار فەدەراتسياسىنىڭ توراعاسى.
2020 جىلى 11 اقپاندا مەملەكەت باسشىسى ق. توقاەۆتىڭ جارلىعىمەن قر پرەمەر-ءمينيسترىنىڭ ورىنباسارى بولىپ تاعايىندالدى.
2021 جىلى 18 قاڭتاردا قر پرەزيدەنتىنىڭ جارلىعىمەن وسى قىزمەتىنە قايتا تاعايىندالدى.
2022 جىلعى 11 قاڭتاردا قر پرەزيدەنتىنىڭ جارلىعىمەن قازاقستان رەسپۋبليكاسى پرەمەر-ءمينيسترىنىڭ ورىنباسارى بولىپ قايتا تاعايىندالدى.
2022 جىلعى 31 تامىزدا قر پرەزيدەنتىنىڭ جارلىعىمەن اقتوبە وبلىسىنىڭ اكىمى بولىپ تاعايىندالدى. ول 2023 جىلعى 5 قىركۇيەكتە بۇل قىزمەتىنەن بوساتىلدى.
