سولتۇستىك قازاقستاندا اۋدان اكىمىنىڭ ورىنباسارى پارا الۋ بويىنشا كۇدىككە ءىلىندى، دەپ حابارلايدى "ادىرنا" ۇلتتىق پورتالى.
سىبايلاس جەمقورلىققا قارسى قىزمەتتىڭ سولتۇستىك قازاقستان وبلىسى بويىنشا دەپارتامەنتى وبلىستا اۋدانداعى اكىمنىڭ ورىنباسارى مەن ءبولىم باسشىسىنا قاتىستى سوتقا دەيىنگى تەرگەۋ جۇرگىزۋدە.
سەبەبى لاۋازىمدى تۇلعالار اۋداندىق ماڭىزى بار اۆتوجولداردى اعىمداعى جوندەۋ بويىنشا ورىندالعان جۇمىستار اكتىلەرىنە كەدەرگىسىز قول قويعانى جانە جالپى ەرەكشە قامقورلىعى ءۇشىن كاسىپكەرلىك سۋبەكتىسىنەن 10 ملن تەڭگە كولەمىندە پارا الدى دەپ كۇدىككە ىلىنگەن.
قازىر تەرگەۋ جالعاسۋدا.
