قازاق قىزى انار بۋراشەۆا العاش رەت ەۆەرەست شىڭىن باعىندىردى، دەپ حابارلايدى "ادىرنا" ۇلتتىق پورتالى.
"Kazakh Everest Team" قازاقستاندىق كوماندا الەمنىڭ ەڭ بيىك شىڭى – ەۆەرەست شىڭىنا (8 848 م) ءساتتى كوتەرىلدى. توپ قۇرامىندا الپينيستەر انار بۋراشەۆا مەن ماقسات جۇماەۆ تا بار.
ءباسپاسوز قىزمەتىنىڭ مالىمەتىنشە، قازاقستاندىق كوماندا 12 مامىر كۇنى نەپال ۋاقىتىمەن تاڭعى ساعات 07:25-تە ەۆەرەست شىڭىن باعىندىرعان.
"ولاردىڭ اراسىندا ءبىزدىڭ وتانداستارىمىز بار. ولار تاريحتا الەمنىڭ ەڭ بيىك شىڭىنا شىققان تۇڭعىش قازاق قىزى انار بۋراشەۆا جانە ەڭبەگى سىڭگەن قازاقستاندىق الپينيست ماقسۇت جۇماەۆ. بۇل ونىڭ ەۆەرەست شىڭىنا وسىمەن ءۇشىنشى رەت شىعۋى",- دەلىنگەن "Kazakh Everest Team" قازاقستاندىق ءباسپاسوز قىزمەتىنىڭ مالىمەتىندە.
«Kazakh Everest Team» كومانداسىنىڭ شىڭعا كوتەرىلۋى بەس تاۋلىككە سوزىلعان. بيىك شىڭعا انار بۋراشەۆا مەن ماقسات جۇماەۆ قازاقستاننىڭ مەملەكەتتىك تۋىن ورناتتى.
