ىشكى ساياساتتىڭ ۇلتتىق نامىستان جۇرداي ءبىر جاندايشاپ نوكەرى كرەملدى شوشىتىپ، شورشىتىپ المايىق دەگەن دالباسا دولبارمەن جانبولات شايزادانى جازالاۋ كەرەك دەپ، پروكۋراتۋراعا ىم قاعادى (اپ جاقتان ءسوز ەستىپ قالمايىن دەپ، پەرەستراحوۆكا جاساعان ءتۇرى);
پروكۋراتۋراداعى پارىقسىز ورىنداۋشى قالالىق پوليتسياعا جانبولاتتى ۇستاپ اكەلىڭدەر دەپ كوماندا بەرەدى (ەرتەڭ ەل نە دەيدى، قازاق قوعامى تولقىپ كەتەدى-اۋ دەگەن وي توپاس ميىنا كىرمەيدى);
قازاقي ۇلتتىق قاسيەتىن كارەرا ءۇشىن ايىرباستاپ جىبەرۋگە جاندارمەن بولعان پوليتسيا باستىعى جانبولاتتى ۇستاپ اكەلۋگە ەكى سەرجانتتى جۇمسايدى (ىزدەستىرىپ جاتىرمىز، قالادان سىرتقا شىعىپ كەتىپتى دەپ، بەيكۇنا جىگىتتى قۇتقارىپ قالۋعا قام قىلارلىق قاسيەتتەن جۇرداي);
ەكى سەرجانت جانبولاتتى دەدەكتەتىپ، اكىمشىلىك سوتقا الىپ كەلەدى (ۇيىندە جوق ەكەن، ىزدەپ تابا الماي ءجۇرمىز دەپ ايتا المايدى - سىيلىقتان قاعىلۋى مۇمكىن);
ساياساتقا سالداقى بولعان سوت (سوت ەمەس - موت) جانبولاتتى بەس كۇنگە قاماۋعا قاۋلى شىعارادى (شىعارماسام، ءوزىم شىعارىلام دەگەن قورقىنىش ۇلتتىق نامىسىن تاپتاپ تاستاعان)!
مىنە، حالقىنىڭ مەملەكەتتىك نامىسىن قوعاپ، ۇلتتىق مىنەز كورسەتكەن جىگىتتى جازالاۋعا قاتىسقاندار - تەگىس قازاقتار! وسىنى ۇلتتىق توپاستىق دەمەسكە لاج بار ما؟!
ءبارىن قويالىقشى، جاندايشاپ جانتىقتار بىلگەن بوعىن جەسىن! بىراق جانبولات شايزاداعا جاسالعان وسى قيامەت قياناتتان كەيىن ۇلتتىق پاتريوتيزم تۋرالى، قازاقي قاسيەتتى قورعاۋعا قاتىستى ازاماتتىق پارىزدىڭ پورشا-پورشاسى شىقپاي ما؟! جانبولاتتى وزبىرلارعا جىعىپ بەرگەن مىناۋ سوراقىلىقتى كورگەن قاي قازاقتىڭ بالاسى ەرتەڭ ەل نامىسى ءۇشىن جانقيارلىققا بارا الادى؟!
قۇداي-اۋ، ءوز ۇلتىنىڭ نامىسىن وزەۋرەگەن وزگەدەن قورعاي المايتىن، قورعاعاندى - قور قىلاتىن، باس كوتەرگەندى اباقتىعا ايدايتىن مۇنداي ماسقارالىق قازاقتان باسقا قاي ەلدە بار ەكەن؟!
